NAIBU WAZIRI WA ELIMU, SAYANSI NA TEKNOLOJIA MHE. ENG. STELLA M. MANYANYA AWEKA JIWE LA MSINGI JENGO LA OFISI YA MUDA YA HALMASHURI .

Posted on: August 3rd, 2017

Naibu Waziri wa Elimu,Sayansi na Teknolojia Mhe. Eng. Stella M. Manyanya (Mb) ameweka jiwe la Msingi la Mradi wa ujenzi wa Ofisi ndogo na ya Muda ya Halmashauri ya Wilaya ya Nyasa na kumpongeza Mkurugenzi Mtendaji wa Wilaya kwa jitihada anazoonyesha katika kuwatengenezea mazingira rafiki ya kufanyia kazi watumishi.

Akisoma taarifa ya Mradi huo, Mkurugenzi Mtendaji wa Halmashauri ya Wilaya ya Nyasa Dkt.Oscar Albano Mbyuzi amemwambia Naibu Waziri Manyanya ambaye pia ni Mbunge wa Jimbo la Nyasa kuwa ujenzi wa Ofisi hii umekuja Kutokana na nafasi finyu ya kufanyia kazi iliyokuwa ikiwakabili watumishi katika jengo linalotumika sasa ambalo pia ni la kituo cha Rasimali za kilimo Kilosa (Resource Centre),

kufuatia hali hiyo ambapo wakuu wa idara na vitengo walilazimika kutumia ofisi moja pamoja na wasaidizi wao, ililazimika kuanza ujenzi wa Jengo dogo lenye vyumba 5  ili kupunguza msongamano wa watumishi katika ofisi zilizokuwepo kwa kutumia fedha za mapato ya ndani, ambapo hadi hatua iliyofikia limegharimu jumla ya Tshs 22,000,

Akizungumza baada ya kupokea taarifa ,Mbele ya Watumishi wa Makao Makuu ya Wilaya Mhe.Naibu Waziri alimpongeza sana Dkt Mbyuzi na Watumishi wote wa Halmashauri kwa uamuzi wa kujitengenezea mazingira bora ya kazi hata kama Serikali Kuu imeshaanza ujenzi wa Ofisi ya Kudumu ya Mkurugenzi Mtendaji, aidha alisifu utendaji wa kazi unaoonyesha njia unaofanywa na Watumishi hawa pamoja na mazingira ya ufinyu wa ofisi na kuwatia Moyo kuwa changamoto hizo zinaenda kwisha kabisa hivyo waendelee kuchapa kazi kwa nguvu ili kuwaletea maendeleo Wananyasa

Akizungumzia changamoto za vitendea kazi Mh.Mbunge wa Nyasa na Naibu Waziri huyo alisema ameagiza kompyuta zipatazo 150 kwa ajili ya Jimbo lake hivyo katika mgao huo atatoa pia kompyuta kadhaa kwa ajili ya Ofisi ya Mkurugenzi Mtendaji ili kupunguza adha ya Watumishi kusubiriana kufanya kazi na kuongeza ufanisi