Mwenyekiti wa Tume huru ya Uchaguzi Tanzania akagua vituo vya kujiandikisha Nyasa.

Posted on: May 4th, 2025

Mwenyekiti wa Tume Huru ya Taifa ya Uchaguzi, Mhe. Jaji wa Rufani Jacobs Mwambegele Mei 04,2025 ametembelea na kukagua vituo vya uboreshaji wa Daftari la Kudumu la Wapiga Kura awamu ya pili linalokwenda sambamba na uwekaji wazi wa daftari la awali la wapiga kura  wilayani Nyasa mkoani Ruvuma, ambapo mikoa 15 inaendelea na zoezi hilo.  

Akikagua vituo hivyo amesema lengo ukaguzi huu ni kujua mwenendo wa zoezi hili na kubaini changamoto zinazojitokeza Kwa lengo la kutatua.

Akizungumza mara baada ya kukagua vituo ameridhika na mwenendo wa zoezi zima , na kuwataka Wananchi kujitokeza Kwa wingi kujiandikisha, kuboresha Taarifa na kuhakiki Taarifa ambazo hazitakiwi kuwepo.

Ametoa wito Kwa Wananchi kuendelea kujiandikisha katika daftari la wapiga kura.

Mikoa inayoshiriki katika mzunguko wa kwanza wa uboreshaji ni pamoja na Iringa, Geita, Kagera, Mara, Shinyanga, Mwanza, Simiyu, Rukwa, Tabora, Katavi, Kigoma, Ruvuma, Mbeya, Njombe na Songwe ambapo zoezi hilo limeanza kufanyika kuanzia Mei 1 hadi 7 mwaka huu.