Mwenyekiti wa Halmashauri ya Wilaya ya Nyasa azindua kampeni ya Kinga Tiba Usubi

Posted on: August 12th, 2024

Mwenyekiti wa Halmashauri ya Wilaya ya Nyasa Mhe.Stewart Nombo tarehe 12/08/2024 amezindua kampeni ya  utoaji wa kingatiba dhidi ya ugonjwa wa Usubi uzinduzi uliofanyika katika Ukumbi wa Ofisi ya Mkurugenzi Mtendaji Wilaya ya Nyasa.

Akizungumza katika uzinduzi amewataka wananchi kuunga mkono juhudi za Serikali za kutoa Kinga Tiba kwa wananchi hivyo tunakula sababu ya kunywa vidonge hivi Ili kujikinga na ugonjwa wa Usubi.

Usubi ni ugonjwa unaoathiri ngozi na macho unaosababishwa na minyoo  ambayo huenezwa na nzi weusi wadogo, wanaozaliana kandokando ya miti yenye maji yaendayo kwa kasi.

Akizungumza katika Uzinduzi huo, Mratibu wa kampeni hii, Bw. Sued Msuya amesema dalili za ugonjwa huu ni pamoja na ngozi kuwasha sana, kuwa na ukurutu usiotibika, ngozi kuchakaa mithili ya ngozi ya mamba au kenge pamoja na kuwa na vinundu sehemu ya mifupa iliyojitokeza .

Akizungumza wakati wa uzinduzi Mkurugenzi mtendaji wa Wilaya ya Nyasa Bw.Khalid Khalif amewataka wananchi wote kupata kingatiba hiyo ambayo inatolewa kwa kila kaya katika ngazi ya vitongoji, vijiji na Kata zotete, ili kuweza kujikinga dhidi ya ugonjwa huu.

Ametoa wito kwa wananchi kupata Kinga Tiba hiyo inayotolewa na watoa huduma watakaokuwa wanapita katika makazi yao.