Msimamizi wa Uchaguzi Nyasa ahamasisha Wananchi kupiga kura kuchagua viongozi Bora

Posted on: November 19th, 2024

Msimamizi wa Uchaguzi Wilaya ya Nyasa Bw. Khalid Khalif amewahamasisha Wananchi wa wilaya ya Nyasa kushiriki kikamilifu zoezi la Uchaguzi Kwa kujitokeza Kwa wingi kupiga kura tarehe 27/11/2024 katika vituo walivyojiorodhesha.

Ameyasema hayo Tarehe 17/11/2024 wakati akihamasisha ujenzi wa shule ya Sekondari Linga inayojengwa katika Kijiji cha Ngingama Wilayani Nyasa

Bw. Khalif amefafanua kuwa ni haki yetu Wananchi kuchagua viongozi Bora Kwa kuwapigia kura ili waweze kutuongoza Katika Serikali zetu za mitaa.

Ameongeza kuwa Wananchi wote wenye sifa  za kupiga kura waliojiandikisha wanatakiwa kujitokeza Kwa wingi siku ya kupiga kura.

"Nitoe wito Kwa Wananchi wa Kata ya Linga na Wananchi wote wa wilaya ya Nyasa kujitokeza Kwa wingi kushiriki kikamilifu Uchaguzi wa serikali za mitaa Kwa kwenda kupiga kura"