MKUU WA WILAYA YA NYASA AZINDUA UGAWAJI WA VITAMBULISHO VYA WAJASILIAMALI WADOGO WILAYANI NYASA..

Posted on: December 28th, 2018

Mkuu wa wilaya ya Nyasa Bi. Isabela O.Chilumba amezindua rasmi zoezi la ugawaji wa vitambulisho vya wajasiliamali wadogo leo tarehe 28.12.2018 majira ya saa 5 asubuhi katika soko la Kilosa kata Kilosa katika mji wa Mbamba bay kwa kuwataka wajasiliamali wote wenye sifa ndani ya wilaya ya Nyasa kujitokeza kulipia vitambulisho hivyo ili waweza kufanya biashara zao bila kusumbuliwa na mtu yeyote.

akizungumza na wajasiliamali wanaofanya shughuli zao kwenye Soko kuu la kilosa Bi. Isabela alieleza sifa za Mjasiliamali anayepaswa kuomba kitambulisho hicho kuwa ni yule mjasiliamali ambaye mauzo yake ghafi kwa mwaka hayazidi kiasi cha shilingi Milioni nne (4,000,000). Aidha aliwasisitiza wafanyabiashara hao kuwa kila mtu atumie kitambulisho hicho kwa matumizi yaliyo sahihi na isije ikatokea mtu akajaribu kutumia kitambulisho hicho kinyume na taratibu. Alitoa mfano kuwa ukikuta kitambulisho cha Juma kinatumika na Hamidu ambaye biashara yake kwa mwaka anapata kipato cha zaidi ya milioni nne hatutasita kumchukulia hatua kali za kisheria ili pia iwe mfano kwa wafanyabiashara ambao wana nia ya kuinyima Serikali Mapato.

katika zoezi ilo jumla ya wajasiliamali wapatao 16 walipewa vitambuliso na kwamba zoezi ilo linaendelea kwenye maeneo menine ili kutimiza utekelezaji wa Agizo la Mh.John Pombe Magufuli Rais wa Jamhuri ya Tanzania la kuwataka wajasiliamali wote wenye sifa zilizotajwa hapo juu kulipia kiasi shilingi elfu 20,000 ili wapate vitambulisho na kuwawezesha kufanya biashara zao bila kusumbuliwa