MKUU WA WILAYA YA NYASA AWATAKA WAKUU WA IDARA NA VITENGO KUFANYA MAZOEZI YA VIUNGO

Posted on: February 8th, 2020

Mkuu wa Wilaya Nyasa Bi Isabela Chilumba, leo ameongoza mazoezi ya viungo kwa Watumishi wa Wilaya ya Nyasa, yaliyofanyika  katika viwanja vya Ofisi ya Mkuu wa Wilaya ya Nyasa  yenye lengo la kuboresha afya za wafanyakazi wa Wilaya ya Nyasa.

Akizungumza  na wafanyakazi hao baada ya kumaliza kufanya mazoezi ya viungo aliwapongeza watumishi wote waliohudhuria mazoezi,  kwa kuwa mazoezi hujenga afya za wafanyakazi, na kuwataka kuendelea kufanya mazoezi  mara kwa mara, ili afya ziwe imara muda wote kwa kuwa pia mazoezi ni Tiba inayoweza kusaidia kukabiliana na magonjwa mbalimbali.

Amewaagiza Wakuu wa idara na vitengo kuhakikisha wanahudhuria bila kukosa mazoezini na kuhakikisha watumishi walioko chini yao nao wanahudhuria mara kwa mara ili kujenga afya za wafanya kazi.

“Nawaagiza wakuu wa Idara na Vitengo wote kuhakikisha kuwa mnahudhuria kwenye mazoezi na Watumishi wote Walioko chini yenu ili muweze kujenga afya za Zenu.

Afisa michezo wa Halmashauri ya Wilaya ya Nyasa Frorence Msuha alisema amefurahia kuona wafanyakazi wengi wanajitokeza kufanya mazoezi na kila anapotoa matangazo ya mazoezi kila anaporatibu.

 Aidha mazoezi yalikuwayakifanyioka kilajumamosi ya pili ya mwezi na watumishi hao wameomba kufanyika mazoezi hayo kila mwishoni mwa wiki ombi ambalo lilipokelewa na ofisa michezo huyo