Mkuu wa Wilaya ya Nyasa akagua miradi ujenzi wa vyumba vya madarasa ya fedha za UVIKO

Posted on: November 24th, 2021

Mkuu wa wilaya ya Nyasa  Kanali Thomas Labani pamoja  na baadhi ya viongozi wa Halmashauri ya wilaya ya Nyasa wametembelea miradi  ya maendeleo ya ujenzi wa vyumba vya madarasa ya fedha za UVIKO19 Jumatatu ya November 22 , katika kata za wilaya ya Nyasa ikiwemo Ngumbo ,Mbaha na Lituhi.

Lengo la kutembelea Miradi hii ni ilikuweza kuona maendeleo ya miradi hiyo Pamoja na changamoto wanazopitia na kuhakikisha changamoto zote zinatatuliwa na miradi yote kukamilika kwa muda muafaka ambao ni Disemba 15.

Miradi yote imeanza kufanyika kwa wakati baadhi bado ipo nyuma kutokana na changamoto mbalimbali kama vile   upungufu wa nguvu za wananchi, lakini bado kazi inaendelea kwa kiwango kinachohitjika na ubora.

Aidha Kanali Thomas Labani amewasihi na kuwasisitiza  kamati zote za ujenzi wa miradi hiyo ya fedha za UVIKO19 kuongeza kasi katika ujenzi ili miradi iweze kuisha ndani ya wakati ifikapo Disemba 15,Pia amewataka kujenga madarasa kwa kufata vipimo na ubora wa hali ya juu ili kuweza kuepuka gharama za marekebisho pindi jengo litakapo kamilika bila kuwa na ubora unaohitajika.

Mkurugenzi Mtendaji ndug Jimson Mhagama, amesema kuwa kamati zote zinazohusika na ujenzi huo kufuata  taratibu zote za manunuzi katika kufanya manunuzi ya vifaa vya viwandani ,pia ametoa msisitizo katika kuhimiza nguvu za wananchi katika miradi hiyo.

Baadhi ya wanakamati wa miradi hiyo wameahidi kutoa ushirikiano katika kuhakikisha nguvu za wananchi zinapatikana pia wameahidi kumaliza ujenzi huo wa miradi ya UVIKO19 ndani ya muda unaotakiwa.

Ujenzi wa Miradi yote ya fedha za UVIKO19 inaendelea wilayani Nyasa kila kata inahakikisha inaenda na wakati ili ifikikapo disemba 15 kumaliza miradi hiyo.