MKUU wa Wilaya ya Nyasa afanya ukaguzi wa kushitukiza wafanyabiashara.

Posted on: April 25th, 2022

Mkuu wa Wilaya ya Nyasa Kanali Laban Thomas akiwa na kamati ya Ulinzi na Usalama Wilaya ya Nyasa Tarehe 25.04.2022 amefanya ukaguzi wa kushtukiza katika Maduka ya Jumla na Rejareja katika Mji wa Mbamba bay Wilayani hapa.

Lengo la Ukaguzi huo ni kuwabaini wafanyabiashara wanaopandisha bei, za bidhaa mbalimbali  kiholela bila kutoa taarifa katika baraza la Wafanyabiashara la Wilaya.

Katika Ukaguzi huo amewataka wafanyabiashara kuacha mara moja kupandisha bei za bidhaa bila utaratibu kwa visingizio mbalimbali,,na kuwanyonya wananchi. amesema kama kuna bidha zimepanda bei wafanyabiashara hao wanatakiwa kuleta baraza la wafanyabiashara ili waridhie bei hizo.

Ametoa Wito kwa wafanyabiashara kuacha mara moja tabia ya kupandisha bei za bidhaa mbalimbali na hasa zinazozalishwa wilayani hapa.

“Wito wangu kwa wafanyabiashara ni kuacha mara moja tabia ya kujipandishia bidhaa kiholela”

Baadhi ya wananchi ambao walikutwa na kuhojiwa na Mkuu huyo, wamempongeza Mkuu huyo na kumtaka afanye ukaguzi wa mara kwa mara ili kubaini wanaopandisha bidha hizo.