MKURUGENZI NYASA AMFUKUZA KAZI FUNDI

Posted on: June 3rd, 2019

Mkurugenzi Mtendaji wa Halmashauriya Wilaya ya Nyasa, Jimson Mhagama amemfukuza kazi Fundi Ujenzi  aliyekuwa akijenga nyumba ya walimu sita,Maulid Anosisye Mwaitalako katika Shule ya Sekondari ya Lituhi iliyoko kata yaLituhi Tarafa ya Ruhuhu, Wilayani Nyasa kwa kutokuwepo eneo la ujenzi nakuchelewesha kazi kinyume na Mkataba.

Alimfukuza Fundi huyo jana akiwakatika mwendelezo wa ziara zake za kutembelea miradi ya maendeleo na kujitambulishakwa wananchi wa Kata ya Ngumbo, Mbaha na Lituhi ambapo hakuridhishwa na ujenziwa nyumba za walimu unavyoendelea katika sekondari ya Lituhi.

Mhagama alifafanua kuwa kwa kuwa Fundihuyo alikiuka Mkataba wa Ujenzi ambapo alitakiwa amalize tangu mwezi Machi kwamujibu wa Mkataba wa Ujenzi lakini mpaka sasa hajamaliza na hayuko eneo laujenzi na kwa kuwa tunatumia Fundi mkazi na nguvu za wananchi (Force account)hakuna haja ya kumbembeleza, atafutwe Fundi mwingine amalizie kazi hiyo.

Aliongeza kuwa anachotaka kuona kaziikiwa imekamilika tena kwa wakati kama ilivyo kwenye Mkataba wa Kisheria ambao Fundialiujaza wakati akianza kazi na sio vinginevyo.

“Mwenyekiti wa bodi pamoja na bodiyako kuanzia leo Fundi huyu nimemfukuza kazi kwa kuwa kazi alitakiwa amalizetangu mwezi Machi 2019 kwa mujibu wa Mkataba alioujaza kwa hiyo fanyeni harakaapatikane Fundi mwingine ili amalizie hii kazi hatuwezi kuchelewa kumalizaujenzi wa nyumba hizi za walimu kwa kuwa pesa tunazo na vifaa vipo na walimuwanapata shida wakati Serikali imetoa fedha ili kuboresha Miundombinu!”, alisemaMkurugenzi huyo.

Aidha Mwenyekiti wa Bodi ya Shule yaSekondari Lituhi, Frank Nyilili, alisema atatekeleza maagizo hayo kwakushirikiana na Bodi ya Shule na kwa kipindi cha wiki mbili mradi huo utakuwaumekamilika. Pia alimshukuru mkurugenzi kwa kutembelea miradi hiyo ili kujioneakwa macho na kutatua changamoto zinazoikabili shule hiyo.

Serikali imetoa tsh 141,000,000/= kwaajili ya ujenzi wa nyumba hizo za walimu sita na mpaka sasa kazi hiyo imefikiaasilimia 90.

Imeandaliwa na Kitengo cha TEHAMA.

Wilaya ya Nyasa.