MISS UTALII RUVUMA ATEMBELEA VIVUTIO VYA UTALII NYASA

Posted on: November 6th, 2020

Miss Utalii Tanzania 2020 Ruvuma Fidea Hilary  Amefanya ziara ya kutembelea vivutio vya utalii Wilaya ya Nyasa, lengo likiwa ni kuvitangaza ili kukaribisha wawekezaji ambao wataendeleza sekta hiyo ambayo inachangia kukuza pato la Taifa.

Akiwa Wilayani hapa, ametembelea vivutio vya Ziwa Nyasa, Fukwe za Liuli na Mhalo, Jiwe la Pomonda pamoja na Hotel ya Kitalii ya Bio camp. Aidha baada ya kutembelea vivutio hivyo amesema Vivutio vilivyopo Nyasa ni vya kipee ambavyo vinaifanya Nyasa kuwa Kitovu cha Utalii  Mkoani Ruvuma na kuwataka wananchi kutembelea vivutio hivyo kwa kuwa ni Bora na vya kipekee ukilinganisha na maeneo mengine.

Pichani ni kulia, Kaimu Mkurugenzi Mtendaji wa Wilaya ya Nyasa Bw, Bernad Semwaiko na kushoto na Ofisa elimu Taaluma Bw. Oscar Elias wakiwa na mrembo huyo wa utalii katika Mkoa wa Ruvuma