MILIONI 485 KUJENGA MIUNDOMBINU YA ELIMU NYASA DC

Posted on: July 9th, 2025

Na Byarugaba Innocent, Nyasa DC

Serikali ya awamu ya sita inayoongozwa na Mhe. Dkt. Samia Suluhu Hassan imeendeleza ujenzi wa miundombinu kwenye sekta ya elimu ndani ya halmashauri ya wilaya ya Nyasa kwa lengo la kuweka mazingira bora na wezeshi ya kujifunza na kujifunzia.

Kaimu mkuu wa divisheni ya mipango na uratibu Aliko Anthony Mwabukusi ameeleza kuwa jumla ya milioni 485 zimepokelewa  huku akitaja miundombinu  inayojengwa kuwa  ni mabweni mawili  shule ya sekondari Nyasa yatakayogharimu milioni 256,000,000 vyumba vitatu vya madarasa shule ya Msingi Ndesule vitakavyogharimu milioni 72,000,000 nyumba moja ya kuishi  watumishi mawili  (two in one) kwa gharama  ya shilingi milioni 51,000,000, kituo cha walimu (TRC) kitakachogharimu shilingi milioni 48,000,000 pamoja na  kuongeza matundu  ya vyoo kwenye shule ya msingi Mseto.

Mkurugenzi Mtendaji wa Halmashauri ya Wilaya ya Nyasa Khalid Khalif  amemshukuru sana Rais wa Jamhuri ya Muungano wa Tanzania  Mhe. Dkt. Samia Suluhu Hassan kwa kuendelea kuingarisha  Nyasa kwenye Sekta ya Elimu.

Aidha, Khalid ametoa rai kwa walimu wote kuunga mkono juhudi  za kwa kuongeza kasi  ya ufundishaji kama ishara ya kuipokea miundombinu hiyo kwa vitendo  ili kutimiza ndoto  na maono ya Mhe. Dkt.Samia Suluhu Hassan kuhakikisha watoto wanafikia matarajio yao Kielimu

Kwa mujibu wa Sensa ya watu na Makazi ya Mwaka 2022, Halmashauri ya Wilaya ya Nyasa  yenye tarafa 3 na kata 20 ina jumla ya wakazi 191,193 wanaume wakiwa 93,494 sawa na asimilia 48.9 na wanawake 97,699 sawa  na asilimia  51.

Aidha, Halmashauri ya wilaya ya Nyasa ina jumla ya shule za Msingi 116 za Serikali na shule za sekondari 23 za Serikali na 1 ya binafsi.