Mhe. Magiri awataka Wananchi wa wilaya ya Nyasa kujiandaa kupokea mabadiliko makubwa ya kimaendeleo wilayani Nyasa

Posted on: February 17th, 2025

Mkuu wa Wilaya ya Nyasa Mhe. Peres Magiri amewataka Wananchi wa wilaya ya Nyasa kujiandaa na mabadiliko makubwa ya kimaendeleo yanayokwenda kutokea muda mfupi ujao.

Ameyasema hayo Tarehe 17/02/2025 wakati akiongoza kikao cha Kamati ya Ushauri ya Wilaya (DCC) kilichofanyika  katika Ukumbi wa Ofisi ya Mkurugenzi mtendaji wilaya ya Nyasa.

Mhe.Magiri amefafanua kuwa Wilaya ya Nyasa inakwenda kupata mabadiliko makubwa ya kimaendeleo yanayokwenda kufungua fursa za kimaendeleo wilayani hapa Kwa kuwa Kuna fursa mbalimbali.

Amezitaja fursa Hizo kuwa ni Ujenzi wa Bandari ya Mbamba bay ambayo, ikikamilika itakuwa kitovu Cha biashara Kwa kuwa kutakuwa na wafanyabiashara wakubwa, ambao waliokuwa wanapatikana kariakoo Dar es salaam, watakuja kujenga maduka hapa Nyasa na kufanya biashara na Wananchi wa N hi za Malawi na msumbiji pamoja na Tanzania na  Utalii wa Ndani Kwa kuwa hapa Nyasa tuna Ziwa Nyasa na vivutio vingi vya Utalii kama Fukwe za Ziwa Nyasa , Mlima Mbamba, Kisiwa Cha Mbamba bay na Lundo , hivyo tunatakiwa kujiandaa ili kukutana na fursa Hizo.

Amewataka Wananchi na watumishi kuweka mikakati ya kunufaika na fursa za uwekezaji zinazopatikana wilayani Nyasa kama vile ujenzi wa hoteli, Nyumba za kalala wageni, na maeneo ya Uwekezaji

Pamoja na mambo mengine yaliyojadiliwa, kikao hicho kimepitisha mapendekezo ya bajeti ya Mwaka 2025/2026 Kwa Divisheni na Taasisi .

Ametoa wito Kwa Watumishi kufanya kazi Kwa bidii na kutoa huduma Bora Kwa Wananchi na kutekeleza miradi ya maendeleo Kwa wakati na ubora.

Mhe. Magiri amewaagiza watumishi kutatua Kero za Wananchi Kwa wakati ili kuondokana na malalamiko ya Wananchi na kujenga Utawala Bora ili maendeleo yasonge mbele katika wilaya ya Nyasa.