Mhandisi Manyanya akabidhi kiti mwendo Kwa mwanafunzi mwenye ulemavu,aitaka jamii kuwapenda wenye ulemavu

Posted on: March 21st, 2025

Mbunge wa Jimbo la Nyasa Mhandisi Stella Manyanya tarehe 21.03.2025 amekabidhi kiti mwendo Kwa mwanafunzi mwenye ulemavu Bruno  N'gongo anayesoma   shule ya Msingi Chiulu Kata ya Mtipwili wilayani Nyasa

Akikabidhi kiti mwendo hicho Mhandisi Manyanya amesema ameguswa na uchakavu wa kiti ambacho Mtoto huyo alikuwa akikitumia alipomuona Kwa mara ya kwanza akiwa katika ziara shuleni hapo tarehe 3.3.2025 Na kuahidi kumletea kipya.

 Ametoa  wito Kwa wanafunzi, walimu na Jamii Kwa ujumla kuwapenda na kutowabagua watu wenye ulemavu

Akitoa neno la shukrani babu wa mwanafunzi huyo Patrick Mandawa Amemshukuru Mhe. Mbunge kwa Moyo wake wa upendo kwa watu wenye Mahitaji maalumu.

 Ameahidi pia kusimamia utunzaji wa kiti mwendo hicho ili kiweze kudumu Kwa muda mrefu.

Tunakupongeza Mbunge wa Jimbo la Nyasa Mhandisi Stella Manyanya Kwa kutatua changamoto mbalimbali zinazowakabili Wananchi wa Jimbo la Nyasa.