Mbunge wa Jimbo la Nyasa mhandisi Stella Manyanya akabidhi chakula kwa waathirika wa mafuriko, Lituhi

Posted on: May 11th, 2024

Mbunge wa Jimbo la Nyasa mhandisi Stella Manyanya amekabidhi chakula kwa waathirika wa mafuriko yaliyotokea hivi karibuni katika Kata ya Lituhi wilayani Nyasa.

Makabidhiano yamefanyika tarehe 11/05/2024 na mwakilishi wa mkurugenzi Mtendaji Wilaya ya Nyasa Bw.shanel Mbunda, aliyeambatana na Katibu wa Mbunge Manyanya bw.Moses Nchimbi, katika viwanja vya Ofisi ya Afisa Mtendaji Kijiji Cha Kihuru Kata ya Lituhi.

Akikabidhi chakula hicho kwa waathirika wa mafuriko, amesema ametumwa na mbunge wa Jimbo la Nyasa mhandisi Stella Manyanya aje awape pole na kuwakabidhi chakula, kwa kuwa baada ya mafuriko kubomoa nyumba za wakazi wa Lituhi, na baadhi ya mashamba kuharibika ameona ni vema awape pole na kuwapa chakula kwa kuwa wanauhitaji.

Amefafanua kuwa baada ya kutokea mafuriko amefanya juhudi mbalimbali za kuomba msaada sehemu mbalimbali, hivyo amewataka kuwa pole, na kupokea kidogo alichowapa.

Amekitaja chakula alichotoa ni mchele kilo mia Tano(500) kwa waathirika 45 katika kaya 12.

Wakipokea chakula, wananchi wa Kata ya Lituhi wamemshukuru na kumpongeza mbunge Manyanya kwa kuwajali kipindi hiki kigumu na Cha dhiki na wameahidi kumlipa fadhila mwakani katika uchaguzi mkuu watakapompigia kura amesema mwenyekiti wa Kijiji hicho bw. Paul Nombo kwa niaba ya wananchi.

"Tunashukuru sana mbunge wetu kwa kutujali wananchi wake tuliopata mafuriko kwa kuwa ametupa pole na chakula,kwa sababu mazao yetu yaliharibika kutokana na mafuriko, mwenyezi mungu amzidishie alipotoa sisi tutamlipa kwa kumchagua mwakani katika uchaguzi mkuu.Tunaona kazi zake lakini tuko nae kwenye shida na Raha ahsante sana abarikiwe sana.

Aidha Afisa Mtendaji wa Kata ya Lituhi amesema wananchi wamefarijika sana baada ya kupewa chakula hi cho kwa kuwa walikuwa na uhitaji baada ya kutokea mafuriko hayo.

Mafuriko yametokea hivi karibuni katika Kata ya Lituhi baada ya maji kupita katika makazi ya watu na kuharibu, mashamba,Nyumba na miundombinu.