Mbunge wa jimbo la Nyasa azindua zahanati ya Litindo Asili

Posted on: December 23rd, 2024

Mbunge wa Jimbo la Nyasa Mhandisi Stella Manyanya Tarehe 22.12.2024 amezindua Rasmi, Zahanati ya Kijiji cha Litindo Asili na kuwakabidhi wananchi,  wataalam na vitendea kazi tayari, kwa kutatua changamoto ya ukosefu wa huduma za afya kwa  wananchi wa kijiji hicho, waliokuwa wanatembea umbali Mrefu kufuata matibabu.

Uzinduzi huu umefanyika katika jengo la Zahanati hiyo na kuhudhuriwa na wananchi wa kijiji hicho ambao walijitokeza kwa wingi wakiwa na furaha na  nyuso za bashasha.

Akizungumza wakati wa Uzinduzi wa Zahanati ya Kijiji cha Litindo Asili , Mbunge Manyanya, amewapongeza wakazi wa hao kwa kufyatua tofari na kujenga  Zahanati mpaka ngazi ya Linta, ndipo serikali ikaunga juhudi za wananchi kwa kutoa Tsh milioni 50 na kukamilisha zahanati hiyo.

Mhandisi Manyanya amewaeleza kuwa leo ni siku ya Furaha kwa wananchi wa Kijiji cha Luhangarasi kwa hiyo nimefika,  ili niweze kukabidhi Raslimali watu yaani wataalamu wa Afya wawili, na Vitendea kazi, Vitanda 2 dawa na kitanda cha kuzalia Akinamama na ndoo 6 .

Kwa upande wa  MWANANCHI wa Kijiji cha Litindo Asili Kata ya Luhangarasi Wilayani hapa wameishukuru na kuipongeza Serikali kwa kutatua Changamoto ya Ukosefu wa Zahanati ya Kijiji.

“Tunaipongeza sana Serikali kwa kutatua kero ya Ujenzi wa Zahanati ya Kijiji cha Litindo Asili tulikuwa tukipata shida ya kutembea umbali mrefu kuopata huduma ya matibabu lakini kwa sasa hatuna budi kuishukuri Serikali kwa kutukamilishia zahanati yetu na kuanza kazi. Alisema Nonosius Ndunguru Diwani wa Kata ya Luhangarasi.