Mbunge wa Jimbo la Nyasa ahamasisha Utalii

Posted on: March 4th, 2023

Mbunge wa Jimbo la Nyasa mhandisi Stella Manyanya tarehe 04/03/2023 amewaongoza wananchi wa Wilaya ya Nyasa kufanya safari ya kitalii ya kupanda mlima Mbamba mjini MBAMBA BAY.

Lengo la kafanya safari hii ni kuwahamasisha wananchi kutangaza vivutio vya Utalii Wilayani Nyasa na kuhamasisha wananchi kujitokeza Kwa wingi katika kilele Cha siku ya WANAWAKE duniani Mkoa wa Ruvuma itakayofanyika Wilaya ya Nyasa na Mgeni rasmi ni Mkuu wa Mkoa wa Ruvuma Kanali Laban Thomas.

Akizungumza na wananchi amesema amelazimika kushiriki Ziara hiyo ili kutangaza vivutio vya Utalii Wilayani Nyasa.

Amewataka WANAWAKE kuja kitalii Wilayani Nyasa na kujionea vivutio vingi vya Utalii Wilayani Nyasa.

Amevitaja vivutio hivyo ni ziwa Nyasa,mlima Mbamba,fukwe,visiwa na milima ya Livingstone.