MBUNGE wa Jimbo la Nyasa ahamasisha Usafi wa Mazingira

Posted on: October 6th, 2021

 Mbunge wa jimbo la Nyasa Mhandisi Stella Manyanya, jana October 05 ameungana na kikundi  cha vijana, kiitwacho  Manyanya football club, pamoja na baadhi ya wafanyakazi wa Halmashauri ya Wilaya ya Nyasa, kufanya usafi katika maeneo ya Barabara  iliyopita Halmashauri ya Wilaya ya Nyasa kuelekea Ofisi ya Mkuu wa Wilaya ya Nyasa.

Akizungumza mara baada ya kukamilika kwa zoezi la Usafi Mhandisi Manyanya, amesema kuwa vijana lazima wafundishwe kazi na uzalendo wa nchi yao kwa kusaidia shughuli mbalimbli kama hizi za usafi katika maeneo Muhimu,  kama mlezi wa club hiyo ya mpira atawasimamia waweze kuwa wazalendo, na watagawanyika makundi mawili, ambao watakuwa wanafanya usafi Kata ya mbamba bay na kundi jingine Kata ya kilosa.

“Siku hizi hatuajiri sana watu wakufanya usafi mazingira ya nje lakini, wakufanya usafi ndani hivyo wahusika na wafanya kazi wa eneo husika wanatakiwa kufanya usafi, maeneo yao ya nje ya kazi zao na leo naanza na wafanyakazi wa hapa Halmashauri” Alisema Manyanya.

 lengo la usafi huu ni kuweka mazingira safi hasa katika maeneo ya barabara za Lami na kuifanya Wilaya ya Nyasa kuwa ya kuvutia muda wote kwa sababu tumewekewa, lami kwenye barabara zetu na tunatakiwa tuzitunze na kusafisha maeneo yote ya mitaro na mifereji inayozunguka barabara hizo.

Ameongeza kuwa,  kikundi hiki  kitakuwa endelevu kwa kupitia kazi mbalimbli pamoja mafunzo ya ufundi ili kuwaweka imara zaidi na kuwa vijana  wachapakazi.

Aidha  ametoa wito kwa wafanyakazi na wananchi wa Halmashauri ya Wilaya ya Nyasa  kufanya usafi  katika maeneo yao nay a wazi ili kutunza mazingira ambayo yatatuepusha na magonjwa mbalimbali na kuweka mji wetu katika hali ya usafi ili kuvutia watalii watakaokuja kuwekeza katika maeneo yetu.

Imeandaliwa na

Lilian Ngwavi

Afisa Habari nyasadc