MAMLAKA ya Bandari Tanzania yakabidhi Vifaa Tiba vya TSH milioni 37 Nyasa.

Posted on: June 3rd, 2023

Mamlaka ya Bandari Tanzania (TPA) imekabidhi Vifaa Tiba vyenye thamani ya TSH milioni 37 Kwa Wilaya ya Nyasa.

Makibidhiano hayo yamefanyikatarehe 03/06/2023 katika viwanja vya bandari ya Mbamba bay Na kuhudhuriwa na wananchi wa Wilaya ya Nyasa, mgeni rasmi akiwa mkuu wa Wilaya ya Nyasa mh.Filberto Sanga.

Akipokea msaada huo , MKuu wa Wilaya ya Nyasa amewataka wananchi wa Wilaya ya Nyasa kutibiwa katika Hospitali ,vituo vya afya na Zahanati za Serikali, ili kuwa na afya Bora na kuwataka wajawazito kujifungulia katika Hospitali za Serikali.

Ameipongeza na kuishukuru Mamlaka ya Bandari Tanzania Kwa kuleta msaada huo na Kwa kuboresha usafiri wa majini katika ziwa Nyasa.

Amewataka wafanyabiashara kuwekeza Wilayani Nyasa kwakuwa Nyasa imefunguka katika sekta zote, usafiri wa majini, Nchikavu,na miundombinu ya umeme maji na afya Iko vizuri.

awali,Akikabidhi Vifaa Tiba Meneja wa bandari za ziwa Nyasa Manga Gassaya, amesema mamlaka ya Bandari Tanzania imetoa msaada huo ikiwa ni takwa la kisheria Kwa Taasisi inapopata faida kuihudumia jamii ili iweze kuona manufaa ya huduma zinazotolewa na Taasisi,na kuunga juhudi za Serikali za kuwaletea Maendeleo Wananchi wake.

Ameongeza kuwa mamlaka imetoa Vitanda 15 vya kulalia wagonjwa na meZa , vyote Kwa pamoja vikiwa na thamani ya TSH milioni 37.

Aidha amesema Serikali inatarajia kujenga bandari ya Kisasa Mbamba bay Wilayani Nyasa Kwa mwaka wa fedha 2023/2024 na tayari imeto TSh bilioni 70 Kwa ajili ya Ujenzi wa mradi wa bandari.

Ametoa wito Kwa jamii kuendelelea kutumia usafiri wa meli ya mv mbeya ii na kulinda miundombinu ya Bandari.

Wananchi wa Wilaya ya Nyasa wameipongeza mamlaka ya Bandari Tanzania na Serikali Kwa kuboresha sekta ya Afya Wilayani Nyasa na kuahidi kutoa ushirikiano.