KATIBU Tawala wa Mkoa wa Ruvuma akagua miradi Nyasa,awataka wazazi kuchangia chakula shuleni

Posted on: June 26th, 2024

Katibu Tawala wa Mkoa wa Ruvuma Ndugu Rehema Madenge, Akiwa ameambatana na wataalam mbalimbali kutoka Ofisi ya Mkuu wa Mkoa wa Ruvuma Tarehe 25/06/2024,  amefanya ziara ya kikazi ya kukagua Miradi ya Maendeleo katika Kata 3 za Chiwanda,Mtipwili na Kilosa Wilayani Nyasa.

Akikagua miradi,  ameitaka Halmashauri ya Wilaya ya Nyasa kukamilisha Miradi kwa muda uliopangwa na kuitekeleza kwa viwango stahiki.

Akiwa katika Shule ya Sekondari Nyasa amekagua Ujenzi wa maabara, wenye thamani ya tsh million 118.1 na ujenzi wa Bweni la Wavulana lenye thamani ya tsh million 130 na kuwataka kukamilisha kwa wakati ujenzi ambao umefikia hatua ya ukamilishaji.

Katika shule ya Sekondari Unberkant , amepongeza ujenzi wa bweni unaogharimu tsh million 128, ambao uko katika ngazi ya Ukamilishaji, amewataka wananchi kuhakikisha wanafunzi wanakula shuleni kwa kuchangia chakula .

“Nachukua Fursa hii kuwaagiza wananchi wote kuhakikisha wanafunzi wanakula mashuleni,  ili kuongeza ari ya wanafunzi kujifunza kwa kuwa hata wanapokuwepo nyumbani wanakula hivyo wanatakiwa kula shuleni”

Akiwa katika Shule ya Sekondari Lovund amewapongeza wadau wa Elimu wa Tanzania Project, kwa kujenga shule ya Sekondari Lovund yenye thamani ya Bilion 1.2 mpaka kukamilika kwake na hatimaye kuikabidhi Serikali.

Amempongeza Mratibu wa Tanzania Project  Mwl Dennis Katumbi, kwa kutafuta wafadhili Nchini Norway ambao wanasaidia kuleta maendeleo wilayani hapa kwa kujenga miradi mbalimbali, na mradi wa mwisho kutembelea ni ujenzi wa shule Madarasa 3 shule ya Sekondari Limbo.

Mkurugenzi Mtendaji wa Halmashauri ya Wilaya ya Nyasa Bw. Khalid Khalif amemshukuru Katibu Tawala Mkoa kwa kufanya ziara na kumkaribisha awamu nyingine.

Imeandaliwa na Netho Sichali

Kitengo cha Mawasilino Serikalini

Wilaya ya Nyasa.