KATIBU TAWALA RUVUMA AWATAKA WATUMISHI WILAYA YA NYASA KUTOA HUDUMA BORA KWA WANANCHI

Posted on: August 27th, 2020

Katibu Tawala wa Mkoa wa Ruvuma bw Steven Ndaki, amewataka watumishi wa umma kuongeza ari na kutoa huduma bora kwa wananchi, na kutekeleza miradi ya maendeleo kwa wakati.

Ameyasema hayo hivi karibuni alipofanya ziara ya siku moja ya kikazi Wilayani Nyasa, na kuongea na Wakuu wa Idara na Vitengo pamoja na watumishi wote wa Halmashaauri ya Wilaya ya Nyasa,  katika Ukumbi Wa Kepten John komba Ulioko Mbamba bay Wilayani Nyasa.

Bw Ndaki alifafanua kuwa watumishi wa Umma wa Halmashauri ya Wilaya ya Nyasa, wanatakiwa kutoa huduma bora kwa wananchi na kutatua kero zilizoko katika jamii na kutekeleza miradi ya maendeleo, ambayo Serikali inalengo la kutatua kero za wananchi wa Wilayani hapa.

Ameongeza kuwa Lengo la Serikali ni kuhakikisha kuwa, Kila mtumishi wa umma anatoa huduma bora kwa wananchi ili kupunguza malalamiko yaliyoko katika jamii, ili wananchi wafanye shughuli zao bila malalamiko na hatimaye nyasa iweze kuvuma kwa maendeleo.

Aidha katika ziara hiyo alifanikiwa kutembelea na kukagua miradi mbalimbali ya maendeleo ambayo ni,  Mradi wa Veta Nyasa Unaojengwa Linda, Mradi waujenzi wa Sido unaojengwa Kijiji cha Nangombo na mradi wa Hospitali ya wilaya, mradi wa ujenzi wa Barabara unaotekelezwa na Tarula pamoja na Mradi wa Vyoo vya kisasa unaojengwa shule ya msingi Kilosa.

Aidha amewapongeza wananchi wa wilaya ya Nyasa na watumishi kwa ujumla, kwa kutekeleza miradi ya maendeleo kwa kiwango cha hali ya juu na kusema kuwa Nyasa ni Mfano wa kuigwa, katika Utekelezaji wa miradi ya maendeleo kwa kuwa miradi ni mizuri ,Shirikishi na inatekelezwa kwa Kiwango cha hali ya juu.

“Nichukue Fursa hii kuipongeza Wilaya ya Nyasa, kwa kutekeleza miradi ya Maendeleo kwa ufanisi wa hali ya juu, na kushirikisha wananchi kwa kila kinachoendelea, namna hii ni Nzuri katika Utekelezaji wa miradi ya  maendeleo na inatekelezwa kwa wakati.Nikupongeze sana Mkurugenzi na  Viongozi wote wa Halmashauri ya Nyasa.”alisema Ndaki.

Ametoa Wito kwa wananchi waWilaya ya Nyasa kuendelea kushirikiana na Viongozi wa Wilaya ya Nyasa ili kujiletea maendeleo.