KARIBU Mwenge wa Uhuru Wilayani Nyasa

Posted on: June 7th, 2024

KARIBU MWENGE WA UHURU WILAYANI NYASA

MWENGE wa Uhuru unatarajia kukimbizwa wilayani Nyasa Juni 12 ,2024

Kwa mujibu wa ratiba ya Mwenge wa Uhuru 2024,Mwenge wa Uhuru utapokewa wilayani hapa ukitokea Halmashauri ya wilaya ya Mbinga katika Viwanja vya shule ya msingi Lituhi Kata ya Lituhi wilayani hapa.

Kulingana na ratiba Mwenge wa Uhuru utakimbizwa wilayani hapa, ukifungua na kuweka mawe ya msingi katika miradi mbalimbali na hatimaye Mkesha wa Mwenge wa Uhuru utafanyika, katika viwanja vya shule ya msingi Nyasa katika Kata ya Kilosa.

Mwenge wa Uhuru unatarajia kukabidhiwa katika  Halmashauri ya Mbinga mji , Juni 13,2024 Katika Kijiji Cha Mhekela wilayani mbinga.

Mkuu wa Wilaya ya Nyasa Mh.Peres Magiri amewataka wananchi kujitokeza kwa wingi katika mapokezi ya Mwenge wa Uhuru Wilayani Nyasa na kushangilia na kukesha na Mwenge.

Kaulimbiu ya Mwenge  wa Uhuru mwaka huu ni tunza mazingira na shiriki  uchaguzi wa serikali za mitaa kwa ujenzi wa Taifa endelevu.

Nyote mnakaribishwa.