Kampuni ya simu ya Tigo yakabidhi Compyuta Tingi AMCOS

Posted on: June 17th, 2024

 Kampuni ya mawasiliano simu za mkononi ya Tigo, tarehe 17/06/2024, imekabidhi Kompyuta 1 ( Computer)  mpya kwa chama Cha ushirika wa mazao na Masoko cha TINGI AMCOS

Akikabidhi Kompyuta hiyo kwa Bodi ya Chama hicho, meneja wa Tigo wa Mkoa wa Mbinga na Nyasa ndugu NELSON MWAKINYUKE amesema kama kampuni, wamefika kutoa kitendea kazi hicho kama shukrani za kampuni ya Tigo Tanzania kutokana  na ushirikiano wa kibiashara uliopo kati Chama  na Kampuni ya Tigo.

Pia meneja huyo amesema Tigo itakipatia Chama hicho mfumo wa malipo kwa wakulima bure na mfumo wa intaneti utakaotumika katika ofisi za Chama hicho Ili kuhifadhi kumbukumbu na kutoa huduma Bora na za kisasa kwa wakulima na wanachama wa Tingi.

Kwa upande wake Mwenyekiti wa Tingi AMCOS ndugu Michael Kanduyu, ameishukuru Kampuni ya Tigo Tanzania , kwa kurudisha fadhira kwa washirika wake kibiashara.

Akiongea kwa niamba ya wanachama Mwenyekiti wa Tingi AMCOS ameikaribisha kampuni hiyo ya mawasiliano Ili waweze kuendeleza ushirikiano kwa ajili ya maendeleo ya Chama na wanachama wake.

Naye Mh RAINALD KIMWAGA Diwani wa kata ya Tingi ameshukuru kampuni hiyo kwa ushirikiano na Chama cha Tingi AMCOS, amesema mafanikio yanayopatika kwenye Chama hicho yanatoka na ushirikiano uliyopo kati Bodi ya AMCOS, wanachama na Uongozi mzima wa Kata kwa kufanya kazi kama timu moja.