Kamati ya Siasa ya Chama Cha Mapinduzi (CCM) Wilaya ya Nyasa yakagua Miradi ya maendeleo.

Posted on: December 6th, 2024

Kamati ya Siasa ya Chama Cha Mapinduzi, (CCM) Wilaya ya Nyasa ikiongozwa na Mwenyekiti wa Chama Cha Mapinduzi Wilaya ya Nyasa Komred Abel Komba, Tarehe 06/12/2024 imetembelea na kukagua miradi ya maendeleo katika Sekta ya Maji, Barabara, Afya na Elimu katika Tarafa ya Ruhuhu na Ruhekei.

Lengo la Ziara hii ni kuona namna miradi ya maendeleo inavyotekelezwa na kutatua Kero za Wananchi katika miradi hiyo.

Akizungumza mara baada ya kutembelea miradi hiyo Komred Abel Komba ameridhishwa na utekelezaji wa Miradi ya Zahanati ya Nkaya, madarasa ya Shule ya msingi Ndumbi, Barabara ya Liweta Hadi Mpopoma na Mradi wa Maji wa Ngumbo unaokwenda kutatua Kero ya Wananchi wa vijiji 6 na Kata 2 za Ngumbo na Liwundi.

Aidha katika Mradi wa shule ya Sekondari mkali amewataka Wananchi na viongozi kuhakikisha wanaongeza Kasi ya utekelezaji wa Mradi.

Aidha amemshukuru na kumpongeza Rais Dkt Samia Suluhu Hassan Kwa kutuletea wilaya ya Nyasa fedha za utekelezaji wa Miradi mbalimbali na amesema miradi yote itatekelezwa vizuri na kusimamiwa vizuri.

Amempongeza Mkuu wa wilaya ya Nyasa Mhe. Peres Magiri na Mkurugenzi mtendaji wilaya ya Nyasa Bw. Khalid khalif Kwa utekelezaji Bora wa Miradi ya maendeleo.

Ziara hii utaendelea tarehe 07/12/2024 Kwa kutembelea miradi mbalimbali Tarafa ya Mpepo wilayani Nyasa.