Kamati ya Siasa ya CCM Wilaya ya Nyasa yaridhishwa na Maendeleo ya utekelezaji wa mradi wa maji wa Malungu -Tingi,

Posted on: November 11th, 2023

Kamati ya Siasa ya Chama Cha Mapinduzi (CCm) Wilaya ya Nyasa Tarehe 11/11/2023 imetembelea na kukagua mradi wa maji wa Malungu unatekelezwa na mkandarasi Peace Construction ltd unaotarajia kukamilika 17/01/2024.

Mwenyekiti wa CCM Wilaya ya Nyasa Komred Abel Komba amesema ameridhishwa na mradi ambao umefikia asilimia 58 ya utekelezaji wake na unatarajia kuwanufaisha wananchi 9659 kutoka vijiji vya Malungu na Tingi.

Komred Komba amefafanua kuwa Mradi huo ni WA  muhimu sana Kwa wananchi wa Kata ya Tingi hivyo unatakiwa ukamilike Kwa wakati ili uwanufaishe wananchi hao.

Ameagiza uongozi wa Kata ya Tingi wa CCM kutembelea mradi huo mara Kwa mara ili Kasi iongezeke.

Ameongeza kuwa anampongeza Rais SAMIA Suluhu Hassan  na Mbunge wa Jimbo la Nyasa mhandisi Stella Manyanya,Kwa kuipa miradi mingi Halmashauri ya Nyasa ambayo inalenga kutatua changamoto za wananchi hususani mradi huu wa maji.

Aidha kamati hiyo imesaidia kubeba Bomba ikihamasisha wananchi kushiriki Maendeleo ya Mradi .

Kwa upande wa wananchi wameishukuru Serikali Kwa kutatua kero ya maji iliyopo katika vijiji na kumtaka mkandarasi kukamilisha kazi Kwa wakati.

Aidha wananchi wametoa ushirikiano Kwa mkandarasi Kwa kumsaidia shughuli mbalimbali.

Awali akisoma taarifa ya utekelezaji ya Mradi Meneja wa RUWASA Wilaya ya Nyasa mhandisi Masoud Samila amesema Serikali imetoa TSH 487,530,225 kupitia mfuko wa Taifa wa maji na Serikali kuu.

Amezitaja kazi zilizofanyika ni Ujenzi wa mtego wa maji,uchimbaji wamtarobna ulazaji Bomba kuu ,Ujenzi wa tank la maji Lita 100,000 ma Ujenzi wa vituo 11 vya kuchotea maji.

Na amesema  Mradi utawanufaisha wananchi Kwa kupunguza magonjwa mbalimbali ya mlipuko ,na jamii kupata mda mwingi wa kufanya shughuli za maendeleo.