KAMATI ya Siasa CCM Wilaya ya Nyasa Yaridhishwa na Miradi ya COVID 2019

Posted on: December 19th, 2021

Kamati ya siasa ya Chama cha Mapinduzi (CCM)  , Tarehe 19.12.2021 ikiongozwa na mwenyekiti wa CCM Wilaya ya Nyasa Mh, Crodiwik Duwe, imefanya ziara ya kutembelea na kukagua miradi ya UVIKO 2019   desemba 19  wilayani hapa.

 Mwenyekiti wa CCM Wilaya ya Nyasa  Crodivic Duwe  akiongea wakati akihitimisha ziara hiyo,amesema CCM Wilaya, Imeridhishwa na mwenendo wa Miradi hiyo ambayo imefikia asilimia 90 na ameipongeza Halmashauri ya Wilaya ya Nyasa kwa kutekeleza miradi kwa hatua waliyofikia na kusema kuwa wamefanya kazi nzuri na ifikapo desemba 24 itakuwa imekamilika.

 Aidha amewapongeza Mkuu wa Wilaya ya Nyasa Kanali Laban Thomas na Mkurugenzi Mtendaji wa Halmashauri ya Nyasa Ndugu Jimson Mhagama, kwa kusimamia vizuri miradi hiyo, inayoendelea kukamilishwa Wilayani hapa na kusema kuwa licha ya kufanya ziara hiyo leo wana taarifa zote za miradi na kujua jinsi gani wanavyosimamia maendeleo wilayani hapa.

Akitoa Taarifa ya Miradi kwa Halmashauri ya Wilaya ya Nyasa Mkurugenzi Mtendaji Wilaya ya Nyasa Ndugu Jimson Mhagama, amesema miradi yote imefikia asilimia 90 na kwa sasa imefikia hatua ya Ukamilishaji inayotarajia kukamilika Desemba 24 mwaka huu,aidha amempongeza Mh Rais  Samia Suluhu Hassan kwa kuipa fedha zaidi ya Bilioni 1.8 ya Ujenzi wa madarasa Halmashauri ya Nyasa ambayo ina bajeti ya sh Bilioni 1.2 ya mapato ya ndani na Halmashauri isingeweza kujenga madarasa hayo kwa mapato ya ndani.

.

kamati  hiyo imetembelea miradi ya COVID 2019 katika Shule ya Sekondari Limbo Kata ya Kilosa ambapo kuna ujenzin wa madarasa 2, Shule ya Sekondari Mbamba bay, madarasa 4 ,St Pauls Liuli ambapo kuna ujenzi wa Madarasa 2 na shule ya Sekondari Mango ambapo kuna ujenzi wa madarasa 2