KAMATI ya Siasa (CCM) Mkoa wa Ruvuma yampongeza Rais Samia Ukamilishaji daraja Mto Ruhuhu

Posted on: November 5th, 2021

Kamati ya Siasa ya Chama Cha Mapinduzi  (CCM) Mkoa wa Ruvuma  leo Wameipongeza Serikali ya Jamhuri ya Muungano wa Tanzania kwa kujenga na kukamilisha daraja la Mto Ruhuhu linalounganisha Mkoa wa Ruvuma na Njombe kupitia Wilaya ya Nyasa na Ludewa.

Mwenyekiti wa Chama Cha Mapinduzi CCM Mkoa wa Ruvuma Mh Oddo Mwisho ameyasema hayo kwa niaba ya Kamati nzima ya Chama hicho mara baada ya kutembelea daraja hilo na kukagua Miradi ya Maendeleo  ikiwa ni utekelezaji wa Ilani ya Chama.

Amefafanua kuwa kwa miaka mingi daraja hilo lilikuwa kero kwa wananchi wa Ludewa na Nyasa, hasa katika shughuli mbalimbali na kama chama chao walipewa malalamiko mengi kutoka kwa wananchi kwa kuwa mara nyingi wanachi walikuwa wakiliwa na mamba wakati wakivuka mto huo kutafuta huduma za kijamii kama za afya na nyinginezo, lakini leo wanampongeza Mh Rais Samia Suluhu Hasassan  kwa kukamilisha Ujenzi wa daraja hilo ambalo limefikia asilimia 99 na linapitika.

Ametoa Wito kwa wananchi wa Wilaya ya Nyasa na Ludewa kuitunza miundom binu iliyowekwa kwenye daraja hilo ili lidumu kwa miaka mingi zaidi na asitokee mwananchi yeyote kuiba, au kuharbu miundombinu ili daraja hilo litoe huduma kwa vizazi vijavyo huku wakikumbuka shida walizopata.

Ameongeza kuwa kukamilika kwa daraja hili kunachochea shughuli za kiuchumi na Utalii kwa wananchi wa Wilaya ya Nyasa na Ludewa, kwa kuwa lilikuwa ni kikwazo cha wananchi katika kutekeleza majukumu mbalimbali ya ujenzi wa Taifa.

Miradi mingine ilkiyotembelewa ni Bandari ya Ndumbi ambayo imefikia asilimia 88 na mwezi Desemba mwaka huu inatarajiwa kukamilika na itakuwa inasafirisha makaa yam awe kutoka Wilayani Nyasa kuelekea sehemu mbalimbaki za ndani na nje ya Nchi kamati hiyo pia imeridhishwa na ujenzi wa bandari hiyo.

Mradi wa Mwisho ni Bustani ya Kitalu cha miti ambacho  kuna miche laki saba ambayo inaandaliwa kwa ajili ya kupanda kwenye maeneo ya Serikali na kuwagawia wananchi bure ili kuwahamasisha kupanda miti ya mitiki katika maeneo yao ili kuunga juhudi za Serikali za kuhamasisha upandaji miti ya mItiki Wilayani Nyasa.