Kamati ya Maafa Nyasa yawafuta Machozi wahanga wa moto Soko la Mbamba bay.

Posted on: December 5th, 2024

Kamati ya  Maafa  Wilaya ya Nyasa yawafuta Machozi wahanga wa Moto Soko la Mbamba bay.

Wafanyabiashara 12 wa soko la Mbamba bay ambao bidhaa zao ziliteketea Kwa  moto usiku wa kuamkia tarehe 15.11.2024 wameishukuru Serikali baada ya kupewa kufuta Machozi cha Tsh Milioni 4.7

Fedha Hizo zimekabidhiwa na Mkuu wa wilaya ya Nyasa Mhe.Peres Magiri wakati akiongea na Wafanyabiashara hao katika eneo la soko  tarehe 04/12/2024.

Akikabidhi fedha Hizo, Mkuu wa wilaya ya Nyasa Mhe. Magiri amesema, Kamati ya Maafa ya wilaya ya Nyasa ilikaa kikao na kuazimia wahanga wote ambao bidhaa zao ziliteketea Kwa moto wapewe kifuta Machozi.

Aidha Michango imekusanywa kutoka Ofisi ya Mkurugenzi mtendaji wilaya ya Nyasa, Taasisi mbalimbali na Wafanyabiashara, na jumla ya TSH Milioni 4,724,000 zilikusanywa na Leo kuwagawia wahanga 12 wa ajali ya moto Soko la Mbamba bay, iliyotokea usiku wa kuamkia tarehe 15/11/2024 na kuteteza Vibanda 23 kati ya vilivyoungua Vibanda 13 vilikuwa na bidhaa na 10 havikuwa na bidhaa ndani.

Wafanyabiashara hao mara baada ya kupewa kifuta Machozi hicho wamempongeza na kumshukuru Rais Samia Suluhu Hassan Kwa kuwapa viongozi Bora Wilaya ya Nyasa, ambao wameshirikiana vema tangu mkasa wa moto ulivyotokea Mpaka Sasa.

"Tunamshukuru Rais Dkt Samia Suluhu Hassan Kwa kutuletea Viongozi Bora na wagharibishi ambao wanajua kuishi na Wananchi wakiwa kwenye huzuni na furaha. Hakika tuliishiwa Kila kitu na madeni yalikuwa yametawala, tuliishi maisha ya wasiwasi lakini Kwa Sasa tumepata mitaji yetu tunaendelea kulijenga Taifa Kwa kufanya biashara kama Awali" alisema mfanyabiashara Nurdin Said Belo Kwa niaba ya wafanyabiashara wa soko la Mbamba bay.