Kamati ya Fedha Utawala na Mipango wilaya ya Nyasa yafanya Ziara ya kutembelea na kukagua miradi ya maendeleo.

Posted on: December 12th, 2024

Yaliyojiri Ziara ya Kamati ya Fedha Utawala na Mipango.

Kamati ya Fedha Utawala na Mipango ya Halmashauri ya wilaya ya Nyasa Tarehe 12/12/2024 imetembelea na kukagua miradi ya maendeleo katika Tarafa ya Ruhekei, Ruhuhu na Mpepo.

Lengo la kutembelea na kukagua ni kujionea Miradi ya maendeleo inavyotekelezwa na kutatua changamoto katika utekelezaji wa Miradi.

Kamati hiyo ikiongozwa na Makamu mwenyekiti wa Halmashauri ya wilaya ya Nyasa Mhe. Walariki Kikasi na Mbunge wa Jimbo la Nyasa Mhandisi Stella Manyanya imewata Wananchi wa wilaya ya Nyasa kushiriki kikamilifu katika utekelezaji wa Miradi ambayo IPO katika maeneo Yao.

"Lengo la Serikali  kuleta Miradi katika maeneo yetu ni kutatua changamoto za Wananchi, hivyo Wananchi wanatakiwa kushiriki kikamilifu katika shughuli zinazoendelea katika utekelezaji wa Miradi".

Akikagua ujenzi wa Zahanati ya Litoromelo Kata ya Ngumbo, amewapongeza Wananchi Kwa kushiriki kikamilifu Ujenzi wa Zahanati hii na kuwataka kukamilisha Kwa haraka ili ifikapo Februari 5, 2025 Zahanati hiyo iwe imeanza kutumia na ifanyiwe sherehe ya ufunguzi

Mbunge wa Jimbo la Nyasa Mhandisi Stella Manyanya amewataka watumishi  wa Afya kutoa huduma Bora Kwa Wananchi ili Wananchi kuwa na Imani na Serikali Yao.

Ameyasema hayo wakati akitembelea Kituo cha Afya Kihagara wakati wa Ziara hiyo.

Aidha ameridhishwa na huduma zinazotolewa na kuahidi kuendelea kutatua changamoto mbalimbali katika Kituo hicho.

Kwa upande wake Wananchi wameipongeza kamati hiyo Kwa kufanya ufuatiliaji wa Miradi na kuahidi kuendelea kutekeleza miradi ya maendeleo katika maeneo Yao.

Aidha wamempongeza Mbunge wa Jimbo la Nyasa Mhandisi Stella Manyanya Kwa juhudi kubwa anazozifanya za kuhakikisha Jimbo la Nyasa linakimbia Kwa maendeleo.