KAHAWA ya Nyasa ni bora, kuuzwa kimataifa

Posted on: August 10th, 2021

Afisa Ushirika wa Wilaya ya Nyasa Bw Menance Ndomba  jana, amefanya ziara ya kushtukiza ya kutembelea vyama vya Ushirika wa mazao na masoko (AMCOS)  wa vyama vinne yenye lengo la kukagua  jinsi kahawa inavyochakatwa, kuanikwa na kusafishwa, tayari kwa kupelekwa sokoni na kutoa Elimu kwa wakulima ya Uandaaji kahawa Bora.

Ziara hiyo ameifanya katika Vyama cha vya Ushirika vya Msingi wa Mazao na Masoko  (Amcos) ya Kimbango, upolo, Luhangarasi na Kingerikiti.

Bw Ndomba amefafanua kuwa lengo la ziara yake ya kushtukiza ni kuona jinsi wakulima wanavyochakata kahawa katika Vyama vya msingi vya Ushirika kwa kuwa tayari alishatoa ,mafunzo kwa viongozi na wakulima hao jinsi ya kuchakata, kuanika na kuifikisha katika soko ili iwe bora na iweze kuuzwa kimataifa.

Mara baada ya kuzungukia vyama hivyo amesema ameridhishwa na uchakataji unaozingatia viwango vya hali ya juu ya usafi, uchakataji na uhifadhi, amesema kwa mwaka huu yawezekana tukavuka lengo kwa kukusanya na kuuza kahawa nyingi, yenye ubora wa hali ya juu kwa kuwa wakulima wote wamehamasika kupeleka kahawa ili niweze kuchakatwa kwa mashine ambayo huondoa sukari katika kahawa na kuhifadhiwa vizuri.

Naye Faraja komba Afisa manunuzi wa chama kikuu cha Ushirika Mbinga aliyeambatana na Afisa ushirika wa Wilaya ya nyasa mara baada ya kutembelea na kuona jinsi kazi zinavyofanyika ya uchakataji wa kahawa ameridhishwa na ubora wa kahawa ya Nyasa, na kuupongeza uongozi wa Wilaya ya Nyasa kwa juhudi zinazofanyika za kuhamasisha Uchakataji wa Kahawa bora.

Ametoa wito kwa wakulima wa Nyasa kuendelea na juhudi hizo kwa kuwa mashamba yao yanalimwa kitaalamu na mazao kuyafikisha kwa wakati katika mashine ambayo huondoa sukari na kuwa bora inayokidhi soko la kimataifa.

Lakini kwa upande wao wananchi wa kata za Kingeriki luhangarasi na upolo wameipongeza Serikali kwa kuwasimamia vizuri na kuwapa kipaumbele cha elimu ya kilimo na kusimamia vizuri Ushirika ambao unatoa ajira kwa wakazi wa Kata hizo.

Mkurugenzi Mtendaji wa Wilaya ya Nyasa Bw Jimson Mhagama amesema zao la kahawa ni zao ambalo wakulima wa Wilaya ya Nyasa wananufaika nalo hivyo kila mwaka wanatakiwa kuongeza ukubwa wa mashamba yao na kupanda mbegu bora za kisasa ambazo hukomaa kwa muda mfupi na kutoa mazao mewngi kwa wakulima hao.A

Ametoa woto kwa wanunuzi wa Zao la kahawa kuja kununua kahawa kutoka Nyasa kwa kuwa imeandaliwa kwa ubora wea kimataifa