JESHI la Zimamoto latoa mafunzo ya zimamoto na Uokoaji kwa wananchi Nyasa

Posted on: July 3rd, 2024

Jeshi la Zimamoto na uokoji Wilaya ya Nyasa, hivi karibuni limetoa mafunzo ya uokoaji eneo la Mhalo wa Mbamba bay kwa wananchi wa Kata ya Mbamba bay wilayani hapa.

Mafunzo haya yametolewa na Mkuu wa Jeshi la Zimamoto na Uokoaji Sajenti  Roden Mlimbila, aliyewata wananchi na wavuvi kupata elimu ya Kinga, na uokoaji kipindi wanapopata majanga ya moto au  maji.

Sajenti Mlimbila amefafanua kuwa, Wilaya ya Nyasa inaziwa ambalo majanga mbalimbali huwa yanatokea, hivyo amewaelekeza jinsi ya kutumia au kuvaa koti la msaada wa maokozi kwenye maji,kipindi wanapoenda kuvua,matumizi sahihi ya Filimbi ya Maokozi na matumizi sahihi ya boya.

Lengo kuu la mafunzo haya ni kupunguza majanga ya kwenye maji yanapotokea,au yanapokaribia wafanyaje,Aidha mewaagiza wavuvi wote ndani ya miezi miwili wawe wamenunua koti la msaada wa maokozi kwenye maji kwa ajili ya kujikinga na majanga ya maji.

Aidha katika mafunzo ya kuzima moto amewataka wananchi kutotikisa jiko la gesi kipindi gesi inapoisha kwani watasababisha Mlipuko,na kuwataka kila nyumba kuwa na Dirisha la dharula kipindi moto ukitokea basi watumie dirisha hilo kujiokoa.

Aidha amewataka wananchi kupiga simu namba ya 114 ambayo inatumika kwa kutoa huduma kwa wale ambao wamekutwa na majanga mbalimbali.

Wananchi wa Kata ya Mbamba bay wameipongeza Serikali na Jeshi la Zimamoto kwa kutoa mafunzo haya ambayo yamewasaidia kujua namna bora ya kujiokoa kipindi watakapokutana na majanga, kwa kuwa awali walikuwa hawana mafunzo haya hivyo yatapunguzana kukomesha majanga ya moto na maji.