Ifikapo januari 08, wanafunzi wote kidato Cha kwanza 2024 wawe wameripoti shuleni-Dc Nyasa

Posted on: January 2nd, 2024

Mkuu wa Wilaya ya Nyasa MH. Filberto Sanga amewaagiza wazazi/walezi Wilayani Nyasa kuhakikisha wanafunzi wote waliochaguliwa kujiunga kidato Cha kwanza wanaripoti ifikapo tarehe 08/01/2013 bila kukosa.

Ameyasema hayo tarehe 02/01/2023 alipokuwa anawahamasisha wananchi kutengeneza mazingira ya shule mpya ya Sekondari Hekima iliyojengwa na Serikali katika Kata ya Upolo Wilayani hapa.

Amewaagiza wazazi/walezi kuhakikisha wanafunzi wote waliochaguliwa kujiunga kidato Cha kwanza wanaripoti siku iliyopangwa hata kama hawana mahitaji yote.

Amewaagiza walimu kuwapokea wanafunzi hao na kuwajali ili waipende shule.

"Wanafunzi wote waliochaguliwa kujiunga kidato Cha kwanza 2024 waripoti siku iliyopangwa bila kujaji Wana mahitaji yote ya shule au hawana,hatua Kali za kisheria zitachukuliwa Kwa mzazi yeyote ambaye hatapeleka mwanafunzi shule"

Aidha Ametoa wito Kwa wananchi wa Wilaya ya Nyasa kuhakikisha wanachangia chakula shuleni  na kuchangia chakula ni sheria hivyo ni lazima sio hiari.