IDARA YA ARDHI YATOA ELIMU KWA VIONGOZI WA VIJIJI, ULIPAJI PANGO LA ARDHI NYASA

Posted on: December 8th, 2020

Halmashauri ya Wilaya ya Nyasa leo imetoa mafunzo kwa viongozi wa kata na Kijiji cha mbamba bay na Kilosa yenye lengo la kuwajengea uwezo vongozi hao ili wa waweze kuelimisha wananchi na kuwahamasisha juu ya Ulipaji Pango la kodi ya Ardhi na Usambazaji wa Hati za madai ya kodi ya Ardhi pamoja na Ankara za Umilikishaji.Mafunzo hayo yametolewa na Afisa Ardhi Mteule wa Wilaya ya Nyasa Bw. Philoteus Komba kwa kushirikiana na wataalam wengine wa Idara ya Ardhi wilayani hapa.Bw Komba  alifafanua kuwa lengo kuu la mafunzo hayo na zoezi hili kwa ujumla ni kuhuisha kumbukumbu za wamiliki wa Ardhi na kukusanya kodi za Ardhi ambazo zitaisaidia Serikali kutoa huduma bora kwa wananchi.Ametoa wito kwa Viongozi hao kuwaelimisha wananchi kupitia mikutano ya Vijiji na Kamati za Maendeleo za Kata ili kuwajengea uwezo wananchi ili waweze kuwa na uelewa juu ya Kodi ya Ardhi.