Halmashauri ya Wilaya ya Nyasa yavuka lengo ukusanyaji mapato ya ndani

Posted on: August 27th, 2024

Halmashauri ya Wilaya ya Nyasa mkoani Ruvuma imevuka lengo la ukusanyaji mapato,baada ya kufanikiwa kukusanya mapato ya zaidi ya  shilingi bilioni 2.17  sawa na asilimia 124.91 katika kipindi cha mwaka 2023/2024.

Hayo yamesemwa na kaimu Mkurugenzi Mtendaji wa Halmashauri hiyo Bw.Pasifiki Mhapa kwenye kikao cha Baraza la madiwani cha kujadili  taarifa ya Hesabu za mwisho  za Halmashauri kwa mwaka wa fedha za 2023/2024 kilichofanyika kwenye ukumbi  wa Ofisi ya Mkurugenzi Kilosa Mbambabay.

Amebainisha kuwa kati ya makusanyo hayo,mapato halisi ni shilingi bilioni 1.32 na mapato kutoka katika vyanzo zuiliwa ni zaidi ya shilingi milioni 859.

“Fedha za miradi ya maendeleo ambazo zimepokelewa katika kipindi hicho ni  11,857,058,019 ambazo zimetumika kwa ajili ya mfuko wa afya wa Pamoja,elimu bure, TASAF, SEUIP, P4R, UNICEF,CDCF,chanjo ya polio, umaliziaji wa maboma, shule shikizi,BOOST na swash’’,alisema.

Ameongeza kuwa mapato kutokana na kodi mbalimbali katika kipindi hicho yameongezeka kutoka shilingi 202,319,610 kwa mwaka 2022/2023 hadi kufikia shilingi 271,856,574 mwaka 2023/2024.

Kwa upande wake Mkuu wa Wilaya ya Nyasa Mheshimiwa Peres Magiri  akizungumza kwenye kikao hicho ameagiza kufanyika vikao vya kamati ya afya ngazi ya wilaya ambavyo vinazungumzia suala zima la afya kwa ujumla ikiwemo kutambua suala zima la virusi vya UKIMWI na vifo vya mama na mtoto.

 Mkuu wa Wilaya pia ameagiza ratiba ya vikao vya lishe ngazi ya Halmashauri  iandaliwe na  kuhakikisha vikao vinafanyika kwa wakati ili kutekeleza mikataba ya lishe katika ngazi zote hadi Kata ili kukabiliana na udumavu.

Naye Mwenyekiti wa Halmashauri ya Wilaya ya Nyasa Mheshimiwa Stewart Nombo amewapongeza watumishi na waheshimiwa madiwani wa Halmashauri hiyo kwa kusimamia ukusanyaji wa mapato hali iliyosababisha kuvuka malengo ya makusanyo kwa asilimia zaidi ya 124.

Baraza la madiwani la Halmashauri ya Wilaya ya Nyasa lina madiwani wa kuchaguliwa 20,viti ,maalum madiwani saba  na Mheshimiwa mbunge mmoja.

Video

BANDARI ya kimkakati ya Ndumbi ziwa Nyasa

Video Zaidi

Viungio vya Haraka

• Songea Municipal Council
• Mbinga District Council
• Tunduru District Council
• Madaba District Council
• Nyasa District Council
• Namtumbo Dictrict Council
• Mbinga Town Council
• Songea District Council

Tovuti Muhimu

• Utumishi Portal
• Government Portal
• Tamisemi
• Tanzania Revenue Authority

Waliotembelea Kijiografia