Halmashauri ya wilaya ya Nyasa yatoa mafunzo Kwa Waandikishaji wapiga kura ngazi ya Vitongoji

Posted on: October 8th, 2024

Halmashauri ya Wilaya ya Nyasa Tarehe 08/10/2024 inatoa mafunzo kwa Waandikishaji wa Orodha ya wapiga kura ngazi ya Vitongoji, watakaotekeleza zoezi la uandikishaji wapiga kura linalotarajia  kuanza  tarehe 11 hadi  20 Oktoba 2024.

Mafunzo  ni ya siku   mbili yanayofanyika makao makuu ya Tarafa katika Tarafa  tatu za  Ruhekei, Mpepo na Ruhuhu yameanza leo Oktoba 08, 2024 na yatakamilika Oktoba 09/2024 kwa washiriki kutoka Kata 20 za Halmashauri ya wilaya ya Nyasa

Lengo la mafunzo ni kuwajengea uwezo ili waweze kutekeleza Majukumu Yao.

Akifungua mafunzo kwa niaba ya Msimamizi wa uchaguzi, Mjumbe wa Sekretarieti ya Uchaguzi Bw.Shabanho Mwaipopo amewataka

washiriki, kuzingatia Sheria, Kanuni , miongozo na maelekezo ya Serikali katika zoezi hilo ili kufikia lengo la kuandikisha watu wote wenye sifa za kupiga kura.

Aidha,  amewataka  kusikiliza kwa makini wakati wawezeshaji wakiwasilisha mada mbalimbali kuhusu zoezi la uandikishaji ili waweze kufahamu sifa na  utaratibu wa kuwaandikisha wapiga kura.

“Msimamizi wa uchaguzi wa Halmashauri ya Nyasa  hategemei kusikia mtu ameharibu kazi kwa uzembe wake na badala yake kazi ikamilike vizuri kwa mujibu wa sheria za nchi” .