Halmashauri ya Wilaya ya Nyasa yapongezwa utunzaji wa mazingira

Posted on: October 20th, 2023

Naibu Waziri wa Nchi Ofisi ya Makamu wa Rais (Muungano na Mazingira) MH. khamis Hamza Khamis tarehe 19/10/2023 amefanya Ziara ya siku 02 Wilayani Nyasa.

Lengo la Ziara hii ni kutembelea na kukagua miradi ya uhifadhi ardhi, utunzaji wa mazingira katika bonde la ziwa Nyasa.

Akizungumza wakati wa majumuisho ya Ziara yake ameipongeza Halmashauri ya Wilaya ya Nyasa Kwa kutoa elimu ya utunzaji mazingira Kwa wananchi, upandaji wa miti, na kujenga majiko sanifu 60 yanayopunguza athari za mazingira zitokanazo na ukatataji wa miti holela.

Naibu waziri huyo ameongeza kuwa elimu inayotolewa Kwa Wananchi inatakiwa iwe ya mara Kwa mara na iwafikie wananchi wote ili waweze kutunza mazingira, kutunza vyanzo vya maji na kuhakikisha kuwa Wananchi wanapata Maendeleo.

Awali akisoma taarifa ya utekelezaji wa miradi ya mazingira Mkurugenzi Mtendaji wa Halmashauri ya Wilaya ya Nyasa bw Khalid Khalif amesema mafanikio yaliyopatikana ni pamoja na kupanda miti 3500,Kijiji Cha lundo, kutoa mafunzo ya ujasiliamali, kupunguza ukatataji miti holela, kufanya mkutano wa wadau wa majiko banifupamoja na elimu ya utunzaji wa mazingira.