Halmashauri ya wilaya ya Nyasa inaendelea kuhamasisha Wananchi kujitokeza Kwa wingi kushiriki Uchaguzi wa serikali za mitaa

Posted on: November 14th, 2024

Halmashauri ya wilaya ya Nyasa Tarehe 14/11/2024 inaendelea kuwahamasisha Wananchi kujitokeza Kwa wingi kushiriki kikamilifu Uchaguzi wa serikali za mitaa utakaofanyika Tarehe 27/11/2024.

Uhamasishaji huo unafanyika kupitia Radio Unyanja ambayo inasikika wilayani hapa.

Afisa Uchaguzi wa Halmashauri ya wilaya ya Nyasa bw.Zamoyoni Mpagike  amewataka Wananchi wa wilaya ya Nyasa kujitokeza Kwa wingi kushiriki kikamilifu Uchaguzi wa serikali za mitaa Kwa kuwa ndio haki Yao ya msingi kidemokrasia ili waweze kuchagua viongozi ambao watawaongoza Kwa kipindi cha miaka mitano.

Ameongeza kuwa Uchaguzi huu Sio Uchaguzi mdogo, ni Uchaguzi mkubwa Kwa maana ni mwanzo wa Serikali hivyo tuna Kila sababu ya kuchagua viongozi Bora.

Amewashukuru na kuwapongeza Wananchi wote waliojitokeza kujiandikisha na kusisitiza kuwa kujiandikisha pekee haitoshi ili ushiriki kikamilifu Uchaguzi unatakiwa kwenda kupiga kura.

"Nitoe wito Kwa Wananchi wa wilaya ya Nyasa kujitokeza Kwa wingi kushiriki kikamilifu Uchaguzi wa serikali za mitaa Kwa kwenda kupiga kura ifikapo tarehe 27/11/2024 ili muweze kuwachagua Viongozi Bora".