Halmashauri ya Nyasa yatoa Mafunzo ya siku 2 Kwa waandishikishaji wasaidizi Ngazi ya vituo.

Posted on: January 9th, 2025

Halmashauri ya wilaya ya Nyasa Tarehe 09-10 Januari , 2025 inatoa Mafunzo ya siku mbili Kwa waandishi wasaidizi na waendesha Vifaa vya bayometriki ( BVR) ngazi ya vituo, mafunzo yanayofanyika katika Ukumbi wa shule ya Sekondari Limbo, Kilosa wilayani Nyasa.

Akifungua Mafunzo hayo Afisa Mwandikishaji wa Halmashauri ya Wilaya ya Nyasa Bw. Khalid Khalif   amewataka watendaji hao kutekeleza majukumu kwa makini ikiwemo kutunza vifaa vya uboreshaji wa Daftari ili viweze kutumika kama Tume Huru ya Taifa ya Uchaguzi ilivyotarajia.

Kabla ya kufungua mafunzo hayo Khalif amewaapisha watendaji hao kiapo cha kujitoa uanachama wa chama cha siasa na kile cha kutunza siri.

Mafunzo hayo ni sehemu ya maandalizi ya uboreshaji wa Daftari utakaofanyika katika mikoa ya Songwe, Njombe, Rukwa na Ruvuma kwenye Halmashauri za Wilaya ya Nyasa, Mbinga, Mbinga Mji, Wilaya ya Songea na Manispaa ya Songea, kwa siku saba kuanzia Januari 12, 2025 hadi Januari 18, 2025, ambapo vituo vitakuwa vikifunguliwa kuanzia saa 2:00 asubuhi na kufungwa saa 12:00 jioni.