HALMASHAURI ya Nyasa yatoa mafunzo kwa wakusanya Taarifa za anuani ya Makazi

Posted on: March 24th, 2022

Halmashauri ya Nyasa Tarehe 24.03.2022 imetoa mafunzo kwa wakusanya taarifa za Anwani za makazi na Postikadi pamoja na Kamati ngazi ya Kata na Kijiji kwa lengo la kuwajengea uwezo wa kutekeleza zoezi hilo.

Mafunzo hayo yamefanyika katika shule ya Msingi Kilosa kwa Kata ya Kilosa, na Kwa Kata ya Mbamba bay yamefanyika katika Ukumbi wa Kepten John Komba Mbamba bay, Wilayani Nyasa.

Akizungumza wakati wa Mafunzo hayo Kaimu Mkurugenzi wa Halmashauri ya Wilaya ya Nyasa Ndugu Christopher Komba, amewataka washiriki kuzingatia mafunzo hayo ili yaweze kuwajengea  Uwezo wa kufanya kazi hizo, kwa kuwa mafunzo, yatawajengea uwezo wa kutekeleza kikamilifu zoezi hilo.

Amesema umuhimu wa  zoezi la ukusanyaji taarifa za Anwani za makazi na Postikadi lina faida nyingi kwa watanzania ikiwemo kurahisisha mawasiliano, urahisi wa kupata huduma za biashara mtandao, usalama pamoja na kufikiwa kwa urahisi na huduma za kijamii ikiwemo huduma za 'Ambulance' na Zima moto.