HALMASHAURI YA NYASA YATOA MAFUNZO KWA MAAFISA ELIMU KATA , WALIMU WAKUU NA WALIMU WA TAALUMA

Posted on: June 24th, 2020

Halmashauri ya Wilaya ya Nyasa, leo imeanza kutoa mafunzo ya afya kwa Maafisa Elimu kata,Walimu wakuu na Walimu wa Taaluma kwa Tarafa ya Luhuhu , mafunzo yanayofanyika Shule ya msingi Lituhi Wilayani Nyasa.

Lengo la mafunzo hayo ni kuandaa na kuweka mazingira wezeshi, ya uthibiti wa maambukizi ya Ugonjwa wa Corona, katika Shule za Msingi, ikiwa ni maandalizi ya kufungua shule juni 29 mwaka huu.Mada  zilizofundishwa ni pamoja na maandalizi ya mazingira kwenye taasisi za elimu, uchunguzi wa afya, usafiri wa kwenda na kurudi shuleni na mazingira ya kujifunzia, mada zilizotolewa na watalamu wa afya Wilayani Nyasa.

Pamoja na mafunzo hayo  Afisa Elimu Msingi Wilaya ya Nyasa Bw. Saidi Kalima anatumia kuwakumbusha  majukumu yao walimu, na amewataka kufundisha kwa bidii na kumaliza mada walizotakiwa kufundisha kwa mwaka huu ili wanafunzi wafaulu kwa asilimia mia moja.

Aidha amefuta Ruhusa zote kwa walimu  mpaka mwezi Desemba mwaka huu.Mafunzo hayo yanaendelea kutolewa kesho katika Tarafa ya Mpepo na Juni 26 ni Tarafa ya Ruhekei  wilayani