Halmashauri ya Nyasa yapokea mifuko 13,501 ya mbolea kwa ajili ya wakulima wake

Posted on: November 2nd, 2024

Halmashauri ya wilaya ya nyasa hivi karibuni imefanya hafla ya kupokea mifuko13,501 ya mbolea  yenye thamani ya Tsh milioni 838,146,600itakayo wanufaisha wakuilima wa Vyama vya Ushirika  na Masoko (AMCOS) kutoka vyama kumi vya ushirika na Masoko Wilayani Nyasa.

Hafla hiyo imefanyika katika viwanja vya AMCOS ya kingerikiti   ikiongozwa na mgeni rasmi Ndugu SALUMU MOHAMEDI ISMAIL  ambaye ni Katibu Tawala Wilaya ya Nyasa aliyemwakilisha Mkuu wa Wilaya ya Nyasa Mh. Peres Magiri.

Akizungumza katika hafla hiyo, amewapongeza wana Ushirika kwa mafanikio ya kununua mifuko hiyo ya mbolea ambayo imewafanya kuwa na uhakika mkubwa sana wa kuzalisha mazao mengi ya  kilimo msimu wa 2024/2025 pia amewataka wakulima wasiojiunga na vyama vya Ushirika kujiunga kwa kuwa kuna mafanikio makubwa.

Ameongeza kuwa jambo hili ni jambo kubwa sana la kujenga Uchumi kwa kuwa umoja ni nguvu na utengano ni udhaifu,  hakika leo tumeshuhudia umuhimu wa kuwa na Umaja ambapo tumefaulu, hivyo basi tunatakiwa kuendelea kuwa na ushirikiano huu ili tuweze kupata maendeleo zaidi..

Aidha amewapongeza sana kampuni ya Mwana Afrika kwa kuwa ndio watakosambaza mbolea wilayani Nyasa kwa bei ya Ruzuku. Amewataka Vion gozi wa Vyama vya Ushirika kutatua kero za wanachama na kuepusha malalamiko katika Vyama Vya Ushirika.

AMesema Serikali itaendelea kushirikia na Vyama vya Ushirika ili kutoa Hudu ma Bora kwa wananchi wa Wilaya ya Nyasa.

Kwa upande wa Wananchi wilayani Nyasa wameipongeza Serikali Wilayani Nyasa kwa kuhakikisha huduma ya pembejeo inawafikia wakulima kwa muda muafalka kabla ya kuanza msimu wa Kilimo hiyo ni wazi msimu huu utakuwa na mafanikio makubwa.

Mkurugenzi Mtendaji Wilaya ya Nyasa Bw. Khalid Khalif amewapongeza wakulima hao na kuwataka waendelee kushikamana kwa kuujenga Ushirika wao ambao unawapa mafanikio makubwa.