HALMASHAURI YA NYASA KUUZA DAGAA KIMATAIFA

Posted on: May 31st, 2018

Halmashauri ya wilaya ya Nyasa inatarajia kuanza kutekelela mradi wa kuchakata,kuongeza ubora wa dagaa wanaopatikana ziwa Nyasa na kuwauza ndani na nje ya nchi  kwalengo la kuongeza mapato katika halmashauri.

Hayo yameelezwa na mkurugenzi mtendaji wa Halmashauri ya Wilaya ya Nyasa Dr Oscar mbyuzi  kwenye kikao cha baraza la madiwani kilichofanyika hivi karibuni katika ukumbi wa John komba mjini Mbamba-bay wilayani  hapa.

Aliongeza kuwa halmashauri inakusudia kuanza kutekeleza mradi wa kuchakata na kuongeza ubora wa dagaa na kufikia soko lililoko nje ya Nchi ili kuongeza mapato katika halmashauri kwa kuongeza ubora wa dagaa kwa kuwakaanga katika ubora kwa kutumia teknolojia ambayo Veta na sido watafundisha na kuweka katika vifungashio  vya robo,nusu na kilo moja.

Aidha alifafanua kuwa halmashauri itanunua msimbomilia kutoka gsi na kuthibitishwa na mamlaka ya ubora Tanzania (tbs) kufanikisha kila robo kilo ya dagaa Nyasa baada ya kuwachakata kuuzwa kwa kiasi cha shilingi2500/=

Mradi huu utafanyika ndani ya wilaya ya Nyasa na utagharimu kiasi cha fedha billion moja(1,000,000,000/= fedha ambazo zitaombwa Wizara ya fedha na mipango kwa mwaka wa fedha 2018-2019.

Mkurugenzi Mbyuzi alizitaja faida ya mradi huu kuwa utaongeza mapato ya ndani halmashauri kwa asilimia saba ya mapato yote ya ndani.