DKT. NCHIMBI, KATA ya Mbaha kujengewa Kituo cha Afya

Posted on: April 22nd, 2024

YALIYOJIRI ZIARA YA KATIBU MKUU TAIFA WA CHAMA CHA MAPINDUZI (CCM) DKT EMANUELY NCHIMBI WILAYANI NYASA.

Katibu Mkuu wa Chama Cha Mapinduzi (CCM) Taifa amefanya ziara ya kikazi Wilaya ya Nyasa tarehe 21.04.2024 kwa lengo la kutembelea, kusikiliza na kutatua kero za wananchi.

Akiwa Wilayani Nyasa ametembelea Kata ya Lituhi na kuhiji kaburi la aliyekuwa Mbunge wa Jimbo la Nyasa  Marehemu Kepten John Komba,na kisha kufanya Mkutano wa hadhara katika Shule ya Sekondari Monica Mbega, Kijiji cha Mbaha kata ya Mbaha.

Akijibu Changamoto zinazowakabili wananchi wa Kata ya Mbaha ambao wanakabiliwa na ukosefu wa Kituo cha Afya amesema atafuatilia na kuahidi kutatua changamoto ya Ujenzi wa Kituo cha Afya.

“Ndugu wananchi nimesikia changamoto inayowasumbua ni ukosefu wa kituo cha Afya ambacho kinawapa changamoto kubwa ya kusafiri umbali mrefu hali inayosababisha vifo kwa akina mama wajawazito, na wananchi wengine kwa ujumla.Hivyo katika changamoto hii nitaipa kipaumbele”

Aidha changamoto zingine wananchi wanazokabiliana nazo ni Ubovu wa barabara ya Lituhi Mbamba bay na shule ya Kidato cha Sita katika kata hizo na ukosefu wa Maji safi na Salama.

Upande wa barabara ya Lituhi hadi Mbamba bay amesema atafuatilia kwa ukaribu kujua nini kinaendelea kwa kuwa tayari tathimini ilishafanyika.

Akijibu kero ya Maji safi na salama Meneja wa Ruwasa Mkoa wa Ruvuma amesema mpaka kufikia mwezi agosti 2024 Kata ya mbaha itakuwa haina changamoto ya Maji kwa kuwa kuna mradi mkubwa wa maji wa Lituhi Grupu ambao unatarajia kutatua changamoto hiyo utakapokamilika.

Aidha Dkt Nchimbi ameahidi kuufuatilia kwa ukaribu na kuhakikisha kero hii inatatuliwa

Akiwa Mbamba bay amesema atatenga muda mwingine wa kuja kuongea na wanaNyasa.