Ded Nyasa awataka Walimu kuwa wabunifu kuwafundisha Wanafunzi

Posted on: February 6th, 2025

Halmashauri ya wilaya ya Nyasa Tarehe 06.02.2025 imefanya Kikao kazi  kilichowajumuisha, Maafisa Elimu Kata na Wakuu wa Shule za Awali na Msingi.

lengo la kikao kazi ni Kufanya tathmini ya mwenendo wa elimu kwa shule za Msingi,  Kuwajengea uwezo wa kusimamia shule na taaluma wakuu wa shule na Kuweka mikakati thabiti ya kuinua kiwango cha elimu kwa mwaka 2025.

Akizungumza na washiriki Kaimu Mkurugenzi mtendaji wilaya ya Nyasa Bw.Pasifiki Mhapa amewataka walimu kuwa wabunifu, kuwasaidia Wanafunzi ili waweze kufaulu na kuinua kiwango Cha ufaulu Wilayani Nyasa.

Ameongeza kuwa walimu ni watumishi ambao wamepelekwa katika shule ili kuleta mabadiliko ya jamii ili kuleta maendeleo Kwa jamii.

Ametoa wito Kwa walimu kuwalea na kuwafundisha Wanafunzi waelewe masomo na wafaulu ili kuleta mabadiliko katika Jamii.