Ded Nyasa awahamasisha Wananchi kushiriki kikamilifu kujiandikisha

Posted on: October 12th, 2024

Msimamizi wa Uchaguzi Wilaya ya Nyasa Bw.Khalid Khalif, amewataka Wananchi wa wilaya ya Nyasa kujitokeza Kwa wingi Kijiandikisha katika Orodha ya wapiga kura wa Serikali za Mitaa, ili waweze kushiriki kikamilifu Uchaguzi wa serikali za mitaa unaotarajia kufanyika tarehe 27.11.2024.

Ameyasema hayo wakati akiongea na mwandishi wa habari hizi ofisini Kwake.

Bw. Khalif amefafanua kuwa kuanzia tarehe 11.10.2024 Hadi Tarehe 20.11.2024 ni zoezi la Kijiandikisha katika Orodha ya wapiga kura wa Serikali za Mitaa na Kila Kitongoji, wanaandikisha katika ofisi yake hivyo basi ni wakati muafaka Kwa Wananchi kutumia haki Yao kikatiba ya kujiandikisha ili waweze kupiga kura na kumchagua kiongozi Bora wanayemhitaji na atakayewaongoza Kwa miaka 5.

Ameongeza kuwa kutojiandikisha Kwa Wananchi watakosa sifa ya kupiga kura.

Ameongeza kuwa vituo vyote viko wazi kuanzia saa 2 asubuhi Hadi saa 12 jioni hivyo Wananchi wote wajitokeze Kwa wingi Kijiandikisha kwenye Orodha ya wapiga kura ili kujiandaa na Uchaguzi wa Serikali za Mitaa.