Ded Nyasa atembelea na kukagua eneo la ujenzi wa shule ya Sekondari Linga

Posted on: November 18th, 2024

Mkurugenzi Mtendaji wa Halmashauri ya wilaya ya Nyasa Bw. Khalid Khalif akiwa na Wakuu wa Divisheni na Vitengo tarehe 17/11/2024   ametembelea na kukagua eneo la ujenzi shule ya Sekondari ya Linga inayojengwa katika Kijiji cha Ngingama Wilayani Nyasa.Serikali imetoa TSH milioni 560,552,827 Kwa ajili ya kutekeleza miradi wa shule mpya  ya kisasa  Sekondari Linga, Kwa ajili ya kutatua changamoto ya wanafunzi waliokuwa wanasafiri umbali mrefu kwenda kusoma katika shule ya Sekondari Lituhi na kutembea umbali wa kilometa 25.Akiwa katika eneo Hilo amehakiki mipaka ya eneo Hilo nakuonana na viongozi wa Kata na vijiji vya Lukali, Ngingama na Litumba kuhamba  na kuwataka kushiriki kikamilifu zoezi la ujenzi wa Sekondari hiyo.
"Ninawahamasisha Wananchi kujitokeza Kwa wingi kushiriki kikamilifu Ujenzi huu wa Sekondari ya Linga Kwa kuwa Serikali imetatua changamoto iliyokuwa inatutesa Kwa muda mrefu.Tunamshukuru mheshimiwa Rais Dkt Samia Suluhu Hassan Kwa kutuwezesha fedha za ujenzi wa shule hii, hivyo basi tunatakiwa kujitoa kukamilisha ujenzi huu Kwa wakati"
Pichani Mkurugenzi mtendaji Halmashauri ya wilaya ya Nyasa akiwa na Mhandisi Ujenzi Allen Mshiu Na Afisa Mipango miji Mohamed Twaibu katika eneo la ujenzi.