Dc Nyasa awaongoza wananchi kutoa maoni Dira ya Taifa 2025-2050

Posted on: August 1st, 2024

Halmashauri ya Wilaya ya Nyasa imefanya kikao   Cha utoaji wa maoni ya Dira ya Taifa ya Maendeleo 2050 hivi karibuni .

Kikao hicho kimeendeshwa na Afisa Tawala  Benedicto Nsindagi aliyemwakilisha Mkuu wa Wilaya ya Nyasa Mh.Peres Magiri.

Akizungumza wakati akifungua kikao amewataka wajumbe kutoa maoni yatakayowezesha kupatikana kwa maendeleo kupitia dira ya maendeleo.

Ameongeza kuwa, maoni ya wananchi ni muhimu kupatikana kwa maendeleo ambayo tunatakiwa kutatua changamoto za wananchi, kwa ukuaji wa kipato Cha mtu mmoja mmoja na Taifa kwa ujumla.

Kwa upande wa wajumbe wameipongeza Serikali kwa kutatua changamoto na kuzingatia dira ya maendeleo na kupatikana kwa mafanikio ya Elimu miundombinu ya Umeme,maji na Barabara.

Aidha wametoa maoni ya uboreshaji wa Demokrasia, uendeleaji wa kuboresha miundombinu ya Umeme maji na Barabara na kurahisisha upatikanaji wa huduma mbalimbali za wananchi Ili wapate maendeleo.