DC.NYASA, ASEMA NYASA BILA UTAPIAMLO AU UDUMAVU INAWEZEKANA

Posted on: July 8th, 2021

Mkuu wa Wilaya ya Nyasa Kanali Laban Thomas, amewataka wananchi kula vyakula vyenye mchanganyiko wa makundi mbalimbali ya  vyakula ili kutokomeza udumavu na Utapiamlo kwa watoto na wananchi wa Wilaya ya Nyasa.

Ameyasema hayo jana wakati akiendesha kikao cha kamati ya Lishe cha Wilaya ya Nyasa kilichofanyika, katika ukumbi wa mikutano ya Ofisi ya Mkuu wa Wilaya ya Nyasa, chenye lengo la Kuhamasishana na kujua hali ya Lishe wilayani hapa.

Mkuu huyo aliyewakilishwa na Kaimu Katibu Tawala wilaya Bw Paul Lugongo, amefafanua kuwa Wilaya ya Nyasa bila ya Udumavu na UtapiaMlo Inawezekana, kwa kuwa Vyakula vya makundi mbalimbali vinalimwa na kupatikana kwa Wingi Wilayani hapa, hivyo kila mwananchi ahakikishe anazuia udumavu na Utapiamlo kwa kula vyakula mchanganyiko ili kujiletea afya bora na  maendeleo kwa kuwa.

Amewaagiza watendaji wa Kata na Vijiji kuendelea kutoa elimu ya Lishe katika Vikao Vyao na kuhakikisha agenda hiyo inakuwa ya kudumu ili Kutokomeza Udumavu na Utapiamlo.

Akitoa taarifa ya Lishe Wilaya ya Nyasa Afisa Lishe wa Wilaya ya Nyasa Bi  Lucia Lagila amesema Kwa Robo ya nne Hakuna Udumavu  wilayani hapa,  na Utapiamlo na asilimia 0.4.

Aidha amesema Halmashauri ya Wilaya ya Nyasa imefanikiwa kutoa Elimu ya lishe  katika sehemu mbalimbali ikiwemo kwenye mikutano ya hadhara ngazi ya kijiji na kitongoji na Wagojwa wote wanaopatikana na utapiamlo mkali wanapatiwa matibabu kwa asilimia 100. Na Elimu ya lishe inaendelea kutolewa katika sehemu mbalimbali ikiwemo kwenye mikutano ya hadhara.