Dc Sanga ampongeza Mbunge wa Jimbo la Nyasa mhandisi Stella Manyanya

Posted on: August 18th, 2023

MKuu wa Wilaya ya Nyasa Mh.Filberto Sanga amempongeza Mbunge wa Jimbo la Nyasa mhandisi Stella Manyanya  Kwa  kuipigania Wilaya ya Nyasa ili ipate fedha za miradi ya Maendeleo inayotatua changamoto zinazowakabili wananchi wa Wilaya ya Nyasa.

Amezitoa pongezi hizi akiwa katika Ziara ya kikazi Katika kata ya Liuli, Kihagara na liwundi tarehe 17/08/2023 Ziara yenye lengo la kutangaza kazi zinazofanywa na Serikali kusikiliza na kutatua kero Za wananchi.

Amefafanua kuwa mbunge wa Jimbo la Nyasa amekuwa akitafuta pesa, kuisemea bungeni Wilaya ya Nyasa iweze kupata fedha za utekelezaji wa miradi.

Ameongeza kuwa Wilaya ya Nyasa inaendelea kutekeleza miradi mbalimbali ya afya Elimu na sekta zingine na kukimbia Kwa Maendeleo.

Ametoa wito Kwa wananchi kuhakikisha wanapeleka watoto shule na vyuo vya ufundi stadi VETA Nyasa ili kujipatia elimu itakayowasaidia kukimbia Kwa Maendeleo Wilayani Nyasa.

Kwa upande wao wananchi wameishukuru Serikali Kwa miradi ya Maendeleo na kuomba kuendelelea kuboresha sekta ya kilimo na uvuvi ili waweze kuwa na maisha Bora.