Dc-Nyasa TASAF NI Kiboko Cha utatuzi Kero za wananchi

Posted on: May 23rd, 2023

Mkuu wa Wilaya ya Nyasa Mh.Filberto Sanga amesema Mpango wa TASAF ni Kiboko Cha utatuzi wa kero za wananchi.

Ameyasema hayo tarehe 23/05/2023 wakati akikagua miradi ya TASAF ya Barabara,maji,na kivuko,kilichokuwa kero sugu katika Kata ya Kilosa,na Mtipwili Wilayani Nyasa.

MH,Sanga akihihitimisha Ziara yake mara baada ya kutembelea miradi, amempongeza Rais wa Jamhuri ya Muungano wa Tanzania SAMIA SULUHU HASSAN Kwa kutatua kero ya wananchi wa Kata ya Kilosa,na Mtipwili ambao wametatua kero ya Barabara, maji na kivuko katika Kijiji Cha Matenje Kata ya Mtipwili Wilayani Nyasa.

Ameongeza kuwa TASAF kwanza inawashirikisha wananchi ili kubaini matatizo waliyokuwa nayo baadae inatatua Kwa asilimia mia moja Kwa kuwashirikisha walengwa.

Katika hili Kata ya Kilosa Kijijini Nangombo wamefanikiwa,kutengeneza Barabara inayounganisha kitongoji Cha Tembwe na Nangombo Barabara ambayo ilikuwa kero Kwa wananchi.

Katika Kijiji Cha Hundu TASAF imejenga kisima Cha majisafi na salama wananchi walikuwa hawana majisafi hivyo imetatua kero Kwa wananchi na wanaipongeza Serikali Kwa kutatua kero hii.

Aidha katika Kijiji Cha Matenje kivuko kinachounganisha stand ya Matenje na S/m Matenje kivuko kilikuwa ni changamoto kubwa Kwa wanafunzi hasa mvua ikinyesha Kwa kuwa wanafunzi walikuwa hawaendi shule,lakini Kwa sasa ni historia Kwa kuwa wanafunzi wanaenda na kurudi shule muda wote.

MH.Sanga ameipongeza TASAF Kwa Kutatua changamoto mbalimbali Wilayani Nyasa.