Dc NYASA na mikakati ya kuboresha Elimu mwaka 2024

Posted on: December 29th, 2023

Yaliyojiri kikao Cha Mkuu wa Wilaya ya Nyasa na wakuu,wa Divisheni,walimu wakuu s/m na wakuu wa shule za Sekondari watendaji wa Kata na maafisa Elimu Kata.

Mkuu wa Wilaya ya MH. Filberto Sanga Tarehe 28/12/2023 amefanya kikao na walimu wakuu shule za msingi, wakuu wa shule za Sekondari maafisa Elimu kata, watendaji wa Kata na wakuu wa Divisheni na Vitengo katika ukumbi wa shule ya Sekondari Limbo.

Lengo la kikao ni kufanya maandalizi na kuweka mikakati ya kuanza mwaka mpya 2024 katika sekta ya elimu.

Akifungua kikao amewataka wataalam wa elimu kufanya Tathimini ya mwaka uliopita na kumtaka kutatua changamoto zilizojitokeza katika sekta ya elimu na kuweka mikakati ya kuboresha.

Aidha wakati akifunga kikao amewataka washiriki kuhakikisha kuwa,

Miradi ya Maendeleo inasimamiwa na inakamilika Kwa wakati.

Wanafunzi waliochaguliwa kujiunga kidato Cha kwanza waripoti mara shule inapofunguliwa na walimu wawapokee watoto bila masharti yoyote.

Wafanyakazi watoe huduma Bora Kwa wananchi na kuwa mfano Bora wa serikali.

Aidha ametoa onyo Kali Kwa wazazi walezi ambao hawatawaketa shule watoto.

Kukomesha mimba Kwa wanafunzi Kwa kuchukua hatua Kali Kwa wahusika.

Kuhakikisha wanafunzi wanapata chakula mashuleni ili waweze kusoma Kwa bidii Kwa kuweka bei elekezi Kwa Wilaya nzima.

Mwisho amewapongeza walimu na wananchi wa Wilaya ya NYASA Kwa kufanya kazi Kwa bidii na kuwahakikishia kuwa Usalama upo hivyo waendelee kuchapa kazi.

Mbunge wa Jimbo la Nyasa mhandisi Stella Manyanya amesema watendaji wanatakiwa kufanya kazi Kwa bidii na kutatua changamoto za wananchi amesema hatamvumilia mtumishi mvivu katika Jimbo la Nyasa.